ഇറച്ചിക്കടയിൽ മോഷണം

ചവറ: ചവറ തട്ടാശ്ശേരി ജങ്ഷന് സമീപമുള്ള സ്നേഹ ചിക്കൻ കടയിൽ മോഷണം. വെള്ളിയാഴ്ച ഉച്ചയ്ക്ക് രണ്ടോടെ ബൈക്കിലെത്തിയ യുവാവ് കടയ്ക്കുള്ളിൽ കയറി മേശ തുറന്ന് പണം അപഹരിക്കുന്ന സി.സി ടി.വി ദൃശ്യം ലഭ്യമായിട്ടുണ്ട്. കടയിലുണ്ടായിരുന്ന തൊഴിലാളി ഭക്ഷണം കഴിക്കാൻ പോയ സമയത്താണ് പണം അപഹരിച്ചത്. ഏകദേശം ഇരുപതിനായിരത്തോളം രൂപ മോഷ്ടിച്ചതായി കടയുടമ കുട്ടൻ പറഞ്ഞു. ചവറ പൊലീസിൽ പരാതി നൽകി.