ഒറ്റത്തവണ തീർപ്പാക്കൽ

പുനലൂർ: പുനലൂർ കാർഷിക വികസന ബാങ്ക് 11 മുതൽ 17 വരെ അദാലത്​ നടത്തുന്നു. 11, 16 തീയതികളിൽ അഞ്ചൽ ബ്രാഞ്ച് ഓഫിസിലും 14,17 നും തീയതികളിൽ പുനലൂർ ഹെഡ് ഓഫിസിലും രാവിലെ 10 മുതൽ വൈകീട്ട് നാലുവരെയാണ് അദാലത്​. ജപ്തി, ഇ-ലേല നടപടി തുടരുന്ന ഫയലുകളിലും കോടതി മറ്റ് നിയമനടപടികൾ തുടരുന്ന ഫയലുകളിലും തീർപ്പ് കൽപിക്കാനാകും. തുക അടയ്ക്കാത്ത വായ്പാ ഫയലുകളിൽ ഏപ്രിൽ ആദ്യം മുതൽ ജപ്തി ലേല നടപടികളിലൂടെ തുക ഈടാക്കാൻ നടപടി സ്വീകരിക്കുമെന്ന് ബാങ്ക് പ്രസിഡന്‍റ് കെ. ബാബു പണിക്കർ, സെക്രട്ടറി എൽ. വർഗീസ് എന്നിവർ അറിയിച്ചു.