നിരോധിത പുകയില ഉൽപന്നങ്ങളുമായി വയോധികൻ പിടിയിൽ

ചവറ: സ്​കൂൾകുട്ടികൾക്ക് നിരോധിത പുകയില ഉൽപന്നങ്ങൽ വിൽപന നടത്തുന്നയാളെ പൊലീസ് ​പിടികൂടി. പന്മന മവേലി മണ്ണൂർ വടക്കതിൽ എം. ജലാലുദ്ദീൻ (70) ആണ് പിടിയിലായത്. ഇയാളിൽ നിന്ന്​ 164 പാക്കറ്റ് നിരോധിത പുകയില ഉൽപന്നം പിടിച്ചെടുത്തു. ചവറ ഇൻസ്​പെക്ടർ എ. നിസാമുദ്ദീന്‍റെ നേതൃത്വത്തിൽ സബ് ഇൻസ്​പെക്ടർമാരായ ജോയി, ആന്‍റണി, സോഹൻലാൽ സി.പി.ഒ മാരായ ശിവപ്രശാന്ത്, ശ്രീജിത്ത് എന്നിവരടങ്ങിയ സംഘമാണ് പിടികൂടിയത്. ഗൃഹനാഥ​െയയും മക​െനയും വീട്ടിൽ കയറി ആക്രമിച്ച യുവാക്കൾ അറസ്റ്റിൽ ചവറ: വഴിക്ക് കൂടുതൽ സ്ഥലം ആവശ്യപ്പെട്ടത് നൽകാത്ത വിരോധത്തിൽ വീട്ടമ്മ​െയയും മക​െനയും ആക്രമിച്ച യുവാക്കളെ പൊലീസ്​ പിടികൂടി. പന്മന പോരൂക്കര കാവേരിയിൽ ജെ. ജയപ്രസാദ് (44), സൈനികനായ പന്മന പോരൂക്കര രാധസദനം വീട്ടിൽ വി. സയൻ (42) എന്നിവരാണ് ​ പിടിയിലായത്. ഇവർക്ക് നിലവിൽ ഉപയോഗിച്ച് കൊണ്ടിരിക്കുന്ന വഴിയുടെ വീതി കൂട്ടി നൽകണമെന്ന ആവശ്യം അയൽക്കാരിയായ സുലോചന നിരസിച്ചതിന്‍റെ വിരോധത്തിലാണ് ആക്രമിച്ചത്. ചവറ ഇൻസ്​പെക്ടർ എ. നിസാമുദ്ദീന്‍റെ നേതൃത്വത്തിൽ എസ്​.ഐമാരായ സുകേഷ്, അനിൽ, സുരേഷ്, രാധാകൃഷ്ണൻ, എ.എസ്​.ഐ അഷറഫ്, ഷിബു സി.പി.ഒ രതീഷ് എന്നിവരടങ്ങിയ സംഘമാണ് പിടികൂടിയത്. ഇവരെ റിമാൻഡ് ചെയ്തു.