തൊഴിൽരഹിത വേതനം

കൊല്ലം: കോർപറേഷനിൽ നിന്ന്​ 2021 ജൂൺ മുതൽ 2022 ജനുവരി വരെയുള്ള തൊഴിൽരഹിതവേതനം അക്കൗണ്ട് വഴി വിതരണം ചെയ്യുന്നതിന് ഗുണഭോക്താക്കളുടെ വെരിഫിക്കേഷൻ നടത്തുന്നു. ബാങ്ക് പാസ്ബുക്ക് പകർപ്പ്, വേതന വിതരണ കാർഡ്, എസ്.എസ്.എൽ.സി ബുക്ക്, ടി.സി, എംപ്ലോയ്​മെന്‍റ്​ രജിസ്ട്രേഷൻ കാർഡ്, ആധാർ കാർഡ്, റേഷൻ കാർഡ് എന്നീ രേഖകളുടെ ഒറിജിനൽ സഹിതം മെയിൻ ഓഫിസിലും അതത് സോണൽ ഓഫിസുകളിലും മാർച്ച്​ രണ്ട്​, മൂന്ന്​, നാല്​, അഞ്ച്​, ഏഴ്​ തീയതികളിൽ വെരിഫിക്കേഷന് ഹാജരാകണം. വെരിഫിക്കേഷൻ ചെയ്യാത്തവർക്ക്​ വേതനം അനുവദിക്കില്ല. മൊറാർജി ദേശായി ജന്മദിനാഘോഷം കൊല്ലം: മുൻ ഇന്ത്യൻ പ്രധാനമന്ത്രി മൊറാർജി ദേശായിയുടെ 126ാമത് ജന്മദിനാഘോഷം ഒരു വർഷം നീണ്ടുനിൽക്കുന്ന വിവിധ പരിപാടികളോടെ നടത്താൻ ​െഡമോക്രാറ്റിക്​ ഫോറം തീരുമാനിച്ചു. സമ്മേളനം തകിടി കൃഷ്ണൻ നായർ ഉദ്ഘാടനം ചെയ്തു. ലഹരിവിമുക്ത ഗ്രാമ രൂപവത്​കരണ പദ്ധതിയുടെ ഉദ്ഘാടനം ജനതാദൾ (എസ്) ജില്ല പ്രസിഡന്‍റ്​ അഡ്വ. കെ.എൻ. മോഹൻലാൽ നിർവഹിച്ചു. ഫോറം പ്രസിഡന്‍റ്​ കെ.പി. ജോർജ്ജ് മുണ്ടയ്ക്കൽ അധ്യക്ഷത വഹിച്ചു. ജില്ല പ്രസിഡന്‍റ്​ എം. ഇബ്രാഹിംകുട്ടി. സി.ആർ. രാമവർമ, പേരൂർ ശശിധരൻ, ഫാ. ഗീവർഗീസ് തരകൻ, എഫ്. വിൻസന്‍റ്​, ആർ. ശരത്കുമാർ, സോമൻ മങ്ങാട്, പ്രഫ. കെ.ജി. മോഹൻ, പ്രഫ. കെ. കൃഷ്ണൻ, അലോഷ്യസ് കണ്ടച്ചാംകുളം, എഫ്.ജെ. അൽഫോൺസ്​ എന്നിവർ സംസാരിച്ചു.