ആവണീശ്വരം സ്റ്റേഷനിലെ വൈദ്യുതീകരണം വിലയിരുത്തി

കുന്നിക്കോട്: കൊല്ലം-പുനലൂര്‍ ബ്രോഡ്ഗേജ് പാതയിലെ വൈദ്യുതീകരണജോലികള്‍ വിലയിരുത്താന്‍ ഉദ്യോഗസ്ഥര്‍ എത്തി. ഇന്ത്യൻ റെയിൽവേയുടെ അലഹബാദ് ഇലക്ട്രിഫിക്കേഷൻ സെക്​ഷനിലെ ജനറൽ മാനേജർ വൈ.പി. സിങ്ങിന്റെ നേതൃത്വത്തിലുള്ള സംഘമാണ് പരിശോധനക്കായി എത്തിയത്. സ്വിച്ചിങ്​ സ്റ്റേഷന്റെ പ്രവര്‍ത്തനങ്ങളും അദ്ദേഹം വിലയിരുത്തി. കൊല്ലം മുതല്‍ പാതക്ക്​ സമാന്തരമായി വൈദ്യുതി കമ്പികള്‍ സ്ഥാപിക്കുന്ന ജോലികളാണ് പുരോഗമിക്കുന്നത്. രാത്രിയും പകലുമായി നടക്കുന്ന ജോലികള്‍ രണ്ട് മാസത്തിനുള്ളില്‍ പൂര്‍ത്തിയായി കമീഷന്‍ ചെയ്യാന്‍ കഴിയുമെന്നാണ് പ്രതീക്ഷ. ജോലികള്‍ വേഗത്തിലാക്കാനായി പാതയിലൂടെയുള്ള പാസഞ്ചര്‍ തീവണ്ടികളുടെ സര്‍വിസ് നിര്‍ത്തി​െവച്ചിട്ടുണ്ട്. രണ്ട് ഘട്ടമായി നടക്കുന്ന പ്രവര്‍ത്തനങ്ങളുടെ ഒന്നാം ഘട്ടത്തിലാണ് പുനലൂര്‍-കൊല്ലം ഭാഗം. രണ്ടാം ഘട്ടത്തില്‍ പ്രവര്‍ത്തനങ്ങള്‍ പുനലൂര്‍ മുതല്‍ ചെങ്കോട്ട വരെ നടക്കും. സുരക്ഷാപരിശോധന കൂടി കഴിഞ്ഞിട്ട് മാത്രമേ കമീഷന്‍ നടക്കുകയുള്ളൂ. വൈദ്യുതീകരണത്തിന് ആദ്യഘട്ടം പൂർത്തിയാക്കി മാർച്ച് 30 മുമ്പായി സുരക്ഷാപരിശോധന നടത്തുമെന്ന് ഉദ്യോഗസ്ഥര്‍ പറഞ്ഞു. പടം.......റെയിൽവേയുടെ അലഹബാദ് ഇലക്ട്രിഫിക്കേഷൻ സെക്​ഷനിലെ ജനറൽ മാനേജർ വൈ.പി. സിങ്ങിന്റെ നേതൃത്വത്തിലുള്ള സംഘം ആവണീശ്വരം സ്റ്റേഷനിലെ വൈദ്യുതീകരണ ജോലികള്‍ പരിശോധിക്കുന്നു