വീട്ടിൽ കയറി അക്രമം: യുവാവ്​ അറസ്​റ്റിൽ

ഓയൂർ: വീട്ടിൽ അതിക്രമിച്ചുകയറി അക്രമം കാട്ടിയയാളെ അറസ്റ്റ് ചെയ്തു. ഇടയ്ക്കിടം കിണറുമുക്കിൽ വൈഷ്ണവത്തിൽ പ്രതാപ് കുമാറിന്‍റെ വീട്ടിൽ അതിക്രമിച്ചുകയറിയ ഇടയ്ക്കിടം മാവിലമുക്ക് ജിഷ്ണു സദനത്തിൽ ജിഷ്ണു (27) വിനെയാണ്​ എഴുകോൺ ​െപാലീസ് അറസ്റ്റ് ചെയ്തത്. കഴിഞ്ഞദിവസം പുലർച്ചെയാണ്​ സംഭവം. വീട്ടിൽ അതിക്രമിച്ചുകയറി വീട്ടുമുറ്റത്ത് കിടന്ന വാഹനങ്ങൾ അടിച്ചുപൊട്ടിക്കുന്ന ശബ്ദം കേട്ട്​ പ്രതാപനും ഭാര്യ ശ്രീകുമാരിയും പുറത്തിറങ്ങിയപ്പോൾ ഇരുമ്പുകമ്പിയുമായി ഇരുവ​െരയും ആക്രമിക്കുകയായിരുന്നു. ആൾട്ടോ കാർ, സ്വിഫ്റ്റ് കാർ, ആക്ടീവ സ്കൂട്ടർ, പിക്കപ്പ് വാൻ, ഹീറോ ഹോണ്ട മോട്ടോർസൈക്കിൾ എന്നിവയും തകർത്തു. എഴുകോൺ ഐ.എസ്.എച്ച്.ഒ ശിവപ്രകാശിന്റെ നേതൃത്വത്തിൽ എസ്.ഐ അനീസ്, എസ്.സി.പി.ഒ ഗിരീഷ്, ബിനിൽ മോഹൻ എന്നിവരടങ്ങിയ സംഘമാണ് അറസ്റ്റ് ചെയ്തത്.