കാത്തലിക് സിറിയൻ ബാങ്ക് ജീവനക്കാർ പ്രതിഷേധപ്രകടനം നടത്തി

(ചിത്രം) കൊല്ലം: വിവിധ ആവശ്യങ്ങളുന്നയിച്ച്​ കാത്തലിക്​ സിറിയൻ ബാങ്ക്​ (സി.എസ്​.ബി) ജീവനക്കാർ ഫെബ്രുവരി 28നും മാർച്ച് 14 നും രാജ്യ വ്യാപകമായി നടത്തുന്ന പണിമുടക്കിന് മുന്നോടിയായി ബുധനാഴ്ച കൊല്ലം ശാഖക്ക്​ മുമ്പിൽ പ്രതിഷേധ പ്രകടനം നടത്തി. യു.എഫ്.ബി.യു ജില്ല കൺവീനർ യു. ഷാജി ഉദ്ഘാടനം ചെയ്തു. എ.ഐ.ബി.ഒ.സി ജില്ല പ്രസിഡന്‍റ്​ അനിൽ കുമാർ, ബി.ഇ.എഫ്.ഐ ജില്ല സെക്രട്ടറി അമൽ ദാസ്​ എന്നിവർ സംസാരിച്ചു. തുടർന്ന്​ സി.എസ്​.ബി ബാങ്ക് സംയുക്ത സമര സമിതി നേതൃയോഗം ചേർന്നു. സമിതി ചെയർമാനും എ.ഐ.ടി.യു.സി ജില്ല സെക്രട്ടറിയുമായ ജി. ബാബു അധ്യക്ഷത വഹിച്ചു. സമരസമിതി ജനറൽ കൺവീനറും സി.ഐ.ടി.യു ജില്ല സെക്രട്ടറിയുമായ എസ്.​ ജയമോഹൻ സമരപരിപാടികൾ വിശദീകരിച്ചു. സമരസമിതി നേതാക്കളായ ആനന്ദൻ (സി.ഐ.ടി.യു), എം.എം. അൻസാരി (എ.ഐ.ബി.ഇ.എ), രതീഷ് (എ.ഐ.ബി.ഒ.സി ), സതീഷ് (ബി.ഇ.എഫ്.ഐ) എന്നിവർ പ​ങ്കെടുത്തു. കുടിവെള്ള പദ്ധതിക്കായി പൊളിച്ച റോഡ് തിരിഞ്ഞുനോക്കാതെ അധികൃതർ (ചിത്രം) മയ്യനാട്: കുടിവെള്ള പദ്ധതിയുടെ പൈപ്പ് സ്ഥാപിക്കുന്നതിന്​ റോഡിൽ സ്ഥാപിച്ചിരുന്ന തറയോട് ഉൾപ്പെടെ വെട്ടിപ്പൊളിച്ചിട്ട് മാസങ്ങൾ കഴിഞ്ഞെങ്കിലും റോഡ് പുനർനിർമിക്കാൻ നടപടിയില്ല. മയ്യനാട് ജന്മംകുളം-കല്ലുമ്മൂട് റോഡാണ് സഞ്ചാരയോഗ്യമല്ലാതായി കിടക്കുന്നത്. ആറുമാസം മുമ്പ്​ ജപ്പാൻ കുടിവെള്ള പൈപ്പിടുന്നതിന്​ വേണ്ടിയാണ്​ ഇന്റർലോക് റോഡ് കുത്തിപ്പൊളിച്ചത്. പൈപ്പിട്ടശേഷം അധികൃതർ തിരിഞ്ഞ് നോക്കിയിട്ടില്ല. എത്രയും പെട്ടെന്ന് റോഡ് സഞ്ചരയോഗ്യക്കാൻ അധികൃതർ തയാറാകണമെന്നാണ് നാട്ടുകാരുടെ ആവശ്യം.