യുവാവിനെ കുത്തിപ്പരിക്കേൽപിച്ചയാൾ അറസ്റ്റിൽ

കൊല്ലം: വാക്കേറ്റത്തിനിടെ, സുഹൃത്തിനെ പൊട്ടിയ കുപ്പി കൊണ്ട് കുത്തിയയാൾ അറസ്റ്റിൽ. വിഴിഞ്ഞം തോട്ടിൻകര കരടിവിളയിൽ ജോസ്​(39) ആണ് അറസ്റ്റിലായത്. കുത്തേറ്റ കൊല്ലം സ്വദേശി റഹീം ജില്ല ആശുപത്രിയിൽ ചികിത്സയിലാണ്. മത്സ്യത്തൊഴിലാളികളായ ഇരുവരും കൊല്ലം പാർവതിമിൽ ജങ്ഷനു സമീപത്തുവെച്ച് വാക്കേറ്റമുണ്ടാകുകയും ഇത് ആക്രമണത്തിൽ കലാശിക്കുകയുമായിരുന്നു. അറസ്റ്റിലായ ജോസിനെ റിമാൻഡ് ചെയ്തു.