കരുനാഗപ്പള്ളി ഗവ. ആർട്​സ്​ കോളജ്​ സർവകലാശാല സംഘം സന്ദർശിച്ചു

കരുനാഗപ്പള്ളി: ഗവ. കോളജിൽ പുതിയ കോഴ്സുകൾ ആരംഭിക്കുന്നതുസംബന്ധിച്ച് സർവകലാശാല സംഘം സന്ദർശനം നടത്തി. സിൻഡിക്കേറ്റ് അംഗങ്ങളായ കെ.എച്ച്.ബാബുജാൻ, അഡ്വ. പി. അജികുമാർ, അരുൺകുമാർ എന്നിവരാണ് സംഘത്തിലുണ്ടായിരുന്നത്. സി.ആർ. മഹേഷ്​ എം.എൽ.എയും ഇവരോടൊപ്പമുണ്ടായിരുന്നു. കഴിഞ്ഞവർഷം സർക്കാർ അനുവദിച്ച എം.എ ഇന്‍റർനാഷനൽ പൊളിറ്റിക്സ്​ അടക്കം അടുത്ത അധ്യയന വർഷം പുതിയ കോഴ്സുകൾ ആരംഭിക്കാനാകുമെന്നും കോളജ് കെട്ടിടത്തിന്‍റെ നിർമാണം ഉടൻ ആരംഭിക്കുമെന്നും എം.എൽ.എ പറഞ്ഞു. പ്രിൻസിപ്പൽ ഇൻ ചാർജ് ഡോ. ഇന്ദുശ്രീ എസ്.ആർ, സീനിയർ സൂപ്രണ്ട് എ. അബ്ദുൽ ജലീൽ, അസി. പ്രഫസർമാരായ ഹരികുമാർ, ജയിംസ് എന്നിവർ കാര്യങ്ങൾ വിശദീകരിച്ചു.