സമസ്ത കേരള ജംഇയ്യതുൽ ഉലമ അഖീദ കോൺഫറൻസ്

കൊല്ലം: സമസ്ത കേരള ജംഇയ്യതുൽ ഉലമ ജില്ല കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന ജില്ല അഖീദ കോൺഫറൻസ് 21ന് ചാത്തന്നൂരിൽ നടക്കും. വൈസ് പ്രസിഡന്‍റ്​ സിറാജുൽ ഉലമ ഹൈദ്രൂസ് മുസ്​ലിയാർ, സുന്നി വോയ്സ് പത്രാധിപർ ഇബ്രാഹിം സഖാഫി പുഴക്കാട്ടിരി, ഡോ. മുഹമ്മദ് കുഞ്ഞ് സഖാഫി, ഇസുദ്ദീൻ കാമിൽ സഖാഫി എന്നിവർ വിവിധ വിഷയാവതരണവും ക്ലാസും നയിക്കും. സംസ്ഥാന-ജില്ല മുശാവറ അംഗങ്ങളും മേഖല ഭാരവാഹികളും തെരഞ്ഞെടുക്കപ്പെട്ട 60 പണ്ഡിതരും പ്രതിനിധികളായിരിക്കും. റാങ്ക് പട്ടിക റദ്ദാക്കി കൊല്ലം: ജില്ലയില്‍ മൃഗസംരക്ഷണ വകുപ്പിലെ ലൈവ് സ്റ്റോക് ഇന്‍സ്‌പെക്ടര്‍ ഗ്രേഡ് 2/ പൗള്‍ട്രി അസിസ്റ്റന്‍റ്​/മില്‍ക്ക് റെക്കോഡര്‍/സ്റ്റോര്‍ കീപ്പര്‍/എന്യുമറേറ്റര്‍ (കാറ്റഗറി നമ്പര്‍: 452/2015 എന്‍.സി.എ ഹിന്ദു നാടാര്‍), (കാറ്റഗറി നമ്പര്‍: 449/2015 എന്‍.സി.എ.എസ്.ഐ.യു.സി നാടാര്‍), (കാറ്റഗറി നമ്പര്‍: 526/2011എന്‍.സി.എ ധീവര), (കാറ്റഗറി നമ്പര്‍: 523/2011എന്‍.സി.എ.എല്‍.സി/എ.ഐ) തസ്തികയുടെ റാങ്ക് പട്ടിക റദ്ദാക്കിയതായി പി.എസ്.സി ജില്ല ഓഫിസര്‍ അറിയിച്ചു. സര്‍ട്ടിഫിക്കറ്റിലെ തിരുത്തല്‍ കൊല്ലം: ചന്ദനത്തോപ്പ് സര്‍ക്കാര്‍ ഐ.ടി.ഐയില്‍ 2014 മുതല്‍ എം.ഐ.എസ് പ്രകാരം പ്രവേശനം നേടിയ ട്രെയിനികളില്‍ ഇ.എന്‍.ടി.സിയില്‍ (നാഷനല്‍ ട്രേഡ് സര്‍ട്ടിഫിക്കറ്റ്) തിരുത്തല്‍ ആവശ്യമുള്ളവര്‍ക്ക് എം.ഐ.എസ് പോര്‍ട്ടല്‍ മുഖേന തിരുത്താന്‍ അവസരം. അവസാന തീയതി മാര്‍ച്ച് രണ്ട്. ഫോണ്‍: 04742712781.