മണ്ണ് കടത്തിയ വാഹനങ്ങൾ പൊലീസ് പിടികൂടി

കിഴക്കേകല്ലട: അനധികൃതമായി കരമണ്ണ് കടത്തിയ ലോറികൾ കിഴക്കേകല്ലട പൊലീസ് പിടികൂടി. മൺറോതുരുത്ത് പഞ്ചായത്തിൽ പ്രത്യേക അനുമതി ഇല്ലാതെ കരമണ്ണ് നിക്ഷേപിക്കരുതെന്ന പ്രത്യേക ഉത്തരവ് നിലനിൽക്കേ വിരുദ്ധമായി കരമണ്ണ് കടത്തിയ നാല് വാഹനങ്ങളാണ് സ്​പെഷൽ ഡ്രൈവിന്‍റെ ഭാഗമായി പൊലീസ് പിടിച്ചെടുത്തത്. തുടർനടപടികൾക്കായി റവന്യൂ ഡിവിഷനൽ ഓഫിസർക്ക് കൈമാറി. കിഴക്കേകല്ലട ഇൻസ്​പെക്ടർ എസ്. സുധീഷ്​കുമാറിന്‍റെ നേതൃത്വത്തിലായിരുന്നു പരിശോധന. ചിത്രം: മൺറോതുരുത്തിൽനിന്ന് കിഴക്കേകല്ലട പൊലീസ് പിടികൂടിയ ലോറികൾ - കുണ്ടറ -