നെടുമൺകാവ് പാലം അപകടാവസ്ഥയിൽ

ഓയൂർ: കരീപ്ര പഞ്ചായത്തിലെ നെടുമൺകാവ് പാലം അപകടാവസ്ഥയിലായി. കൊല്ലം-കുളത്തൂപ്പുഴ, നെടുമൺകാവ്-വെളിയം റോഡ് കടന്നുപോകുന്ന പ്രധാന പാലമാണ് ഇത്. പാലത്തിന്‍റെ ഇരു കൈവരികളും ദ്രവിച്ച് ഇളകിയ നിലയിലാണ്. അര നൂറ്റാണ്ട് പഴക്കം വരുന്ന പാലം ബലക്ഷയത്തിലാണ്. ഇടുങ്ങിയ പാലത്തിലൂടെ വലിയ വാഹനങ്ങൾ വരുമ്പോൾ കാൽനടയാത്രികർക്കും മറ്റും സൈഡ്​ ​െകാടുക്കാൻ ബുദ്ധിമുട്ടായി. ഇടതടവില്ലാതെയുള്ള വാഹനങ്ങളുടെ തിരക്കുപിടിച്ച സഞ്ചാരം നിലവിലെ സാഹചര്യത്തിൽ പാലത്തിന്‍റെ അവസ്ഥയെ ബാധിക്കുമെന്ന ആശങ്കയിലാണ് നാട്ടുകാർ. പാലം പുതുക്കിപ്പണിയുന്നതിനായി നിരവധി പരാതികൾ ലഭിച്ചിട്ടുണ്ടെങ്കിലും വകുപ്പധികൃതർ തിരിഞ്ഞുനോക്കുന്നില്ലെന്ന ആക്ഷേപമാണ് ഉള്ളത്. പടം :നെടുമൺകാവ്പാലം അപകടാവസ്ഥയിൽ