വീടുകയറി ആക്രമണത്തിൽ ഒരാൾക്ക് പരിക്ക്

ചാത്തന്നൂർ: വീട്ടിൽ കയറിയുള്ള ആക്രമണത്തിൽ ഒരാൾക്ക് പരിക്കേറ്റു. പാണിയിൽ തോട്ടുംകര പുത്തൻവീട്ടിൽ ദേവരാജനാണ് പരിക്കേറ്റത്. ഇയാളെ നെടുങ്ങോലം സർക്കാർ ആശുപത്രിയിൽ പ്രവേശിപ്പിച്ചു. കഴിഞ്ഞ ദിവസം വീട്ടിലുള്ളവർ ഉത്സവത്തിനു പോയ സമയത്താണ് രണ്ടംഗ സംഘം വീട്ടിൽ കയറി ആക്രമിച്ചത്. ഉത്സവസ്ഥലത്തുനിന്ന്​ വീട്ടുകാർ എത്തിയപ്പോൾ ദേവരാജനെ അവശനിലയിൽ കണ്ടതിനെ തുടർന്ന് ആശുപത്രിയിൽ എത്തിച്ചു. ഭരണ സ്വാധീനത്താൽ കേസ് അട്ടിമറിക്കാൻ ശ്രമിച്ചാൽ ശക്തമായ പ്രഷോഭ പരിപാടികളുമായി മുന്നോട്ട് പോകുമെന്ന് ബി.ജെ.പി ചിറക്കര പഞ്ചായത്ത്‌ സമിതി പ്രസിഡന്‍റ് ചിറക്കര സന്തോഷ്‌ അറിയിച്ചു.