ചന്ദനം മുറിച്ചതിന് രണ്ട്​ റെയിൽവേ ജീവനക്കാർ കസ്റ്റഡിയിൽ

(ചിത്രം) പുനലൂർ: ചന്ദനം മുറിച്ച് ഒളിപ്പിച്ച തമിഴ്നാട് സ്വദേശികളായ രണ്ട്​ റെയിൽവേ ജീവനക്കാരെ തെന്മല വനം റേഞ്ച് ഓഫിസറും സംഘവും കസ്റ്റഡിയിൽ എടുത്തു. ആര്യങ്കാവ് റെയിൽവേ സ്റ്റേഷന് സമീപം റെയിൽവേ ക്വാർട്ടേഴ്സ് വളപ്പിൽ നിന്ന ചന്ദനമാണ് ഇവർ മുറിച്ചത്. ആര്യങ്കാവ് ഭാഗത്ത് ജോലി ചെയ്യുന്നവരാണ് ഈ ജീവനക്കാർ. കഴിഞ്ഞ ദിവസം ഇവർ മുറിച്ച ചന്ദനം കടത്തികൊണ്ടുപോകാനായി അടുത്തുള്ള കലുങ്കിന് സമീപം ഒളിപ്പിച്ചു. രഹസ്യ വിവരത്തെ തുടർന്നാണ് വനപാലകർ ഇവരെ കസ്റ്റഡിയിലെടുത്തത്. മുറിച്ച ചന്ദനവും വനപാലകർ കണ്ടെടുത്തു.