ഗെസ്റ്റ്​ ഇന്‍സ്ട്രക്ടര്‍ ഇന്‍റര്‍വ്യൂ

ചവറ: തേവലക്കര സര്‍ക്കാര്‍ ഐ.ടി.ഐയിൽ പ്ലംബര്‍, വെല്‍ഡര്‍, സർവെയര്‍ ട്രേഡുകളില്‍ എംപ്ലോയബിലിറ്റി സ്‌കില്‍ പരിശീലനത്തിനുള്ള ഇന്‍സ്ട്രക്ടറുടെ താല്‍ക്കാലിക ഒഴിവുണ്ട്. അഭിമുഖം 15ന് രാവിലെ 11ന്. ഫോൺ: 0476 2835221. യുവാവിനെ ആക്രമിച്ചയാൾ പിടിയിൽ കരുനാഗപ്പള്ളി: യുവാവിനെ ആ​ക്രമിച്ചയാളെ കരുനാഗപ്പള്ളി പൊലീസ്​ അറസ്റ്റ്​ ചെയ്തു. കരുനാഗപ്പള്ളി തഴവ തെക്ക് മുറിയിൽ റിനീഷ് മൻസിലിൽ റനീഷ് (47) ആണ് പിടിയിലായത്. ചൊവ്വാഴ്ച മദ്യലഹരിയിൽ മരണവീട്ടിലെത്തിയ ഇയാളെ ബന്ധുവായ ഷാനവാസ്​ വിലക്കിയ വിരോധത്തിൽ പിറ്റേദിവസം ആക്രമിക്കുകയായിരുന്നു. തടി കഷ്ണം കൊണ്ടുള്ള ആക്രമണത്തിൽ കൈ ഒടിഞ്ഞ ഷാനവാസ്​ കരുനാഗപ്പള്ളി താലൂക്ക് ആസ്​ഥാന ആശുപത്രിയിൽ ചികിത്സ തേടി. കരുനാഗപ്പള്ളി പൊലീസ്​ രജിസ്​റ്റർ ചെയ്ത കേസിൽ റനീഷിനെ തഴവയിൽ നിന്നും പിടികൂടുകയായിരുന്നു. കരുനാഗപ്പള്ളി ഇൻസ്​പെക്ടർ ജി. ഗോപകുമാറിന്‍റെ നേതൃത്വത്തിൽ എസ്​.ഐ ജയശങ്കർ, എ.എസ്​.ഐമാരായ ഷാജിമോൻ, നന്ദകുമാർ, നിസാമുദ്ദീൻ എന്നിവർ ചേർന്നാണ് പ്രതിയെ പിടികൂടിയത്. ഇയാളെ റിമാൻഡ്​ ചെയ്തു.