ദേശീയപാത വികസനം: വ്യാപാരികളുടെ ജനകീയ ധർണ

കൊട്ടിയം: ദേശീയപാത വികസനവുമായി ബന്ധപ്പെട്ട് കൊട്ടിയം ജംഗ്ഷനെ രണ്ടായി വിഭജിയ്ക്കുന്ന നിർമാണരീതിയ്ക്കെതിരെ കൊട്ടിയം മർചന്‍റ്​ അസോസിയേഷന്‍റെ ആഭിമുഖ്യത്തിൽ വ്യാഴാഴ്ച കൊട്ടിയത്ത് ജനകീയ ധർണ നടക്കും. ദേശീയപാത വികസിപ്പിക്കുമ്പോൾ കൊട്ടിയം ജംഗ്‌ഷനിൽ ഇരുവശവും മതിൽകെട്ടി അതിന് നടുവിൽ മണ്ണിട്ടുയർത്തി മുകളിൽ റോഡ് നിർമിക്കുന്നത്​ ജംഗ്ഷനെ രണ്ടായി വിഭജിക്കുകയും കൊട്ടിയത്തിന്‍റെ സാമൂഹിക സാമ്പത്തിക വളർച്ചയെ പ്രതികൂലമായി ബാധിയ്ക്കുകയും ചെയ്യുന്നതിനാൽ ഒറ്റതൂണിൽ പാലം പണിയുന്ന തരത്തിലേക്ക് മാറ്റണമെന്നാവശ്യപ്പെട്ടാണ് ജനകീയ ധർണ. വൈകീട്ട് നാലിന്​ കേരള വ്യാപാരി വ്യവസായി ഏകോപന സമിതി ജില്ല പ്രസിഡന്‍റെ എസ്. ദേവരാജൻ ഉദ്​ഘാടനം ചെയ്യും. കെ.പി.സി.സി നിർവാഹക സമിതിയംഗം അഡ്വ. എ. ഷാനവാസ് ഖാൻ മുഖ്യപ്രഭാഷണം നടത്തും