സാഹസിക വിനോദങ്ങളുടെ പറുദീസയിലേക്ക്​ വരൂ

ആശ്രാമം അഡ്വഞ്ചര്‍ പാര്‍ക്കിലാണ് പുതുമകൾ ഒരുക്കിയിരിക്കുന്നത്​ കൊല്ലം: സാഹസികതയുടെ പുതിയ തലങ്ങളിലേക്ക് ആനയിച്ച് ജില്ല ടൂറിസം പ്രമോഷന്‍ കൗണ്‍സില്‍. ആശ്രാമം അഡ്വഞ്ചര്‍ പാര്‍ക്കിലാണ് സാഹസിക വിനോദങ്ങളുടെ പറുദീസ ഒരുക്കിയത്. റോപ് സൈക്ലിങ്​ സംവിധാനം, സിപ് ലൈൻ, റൈഫിള്‍ ഷൂട്ടിങ്, അമ്പെയ്ത്ത്എന്നിവയാണ് സജ്ജമാക്കിയത്. കായിക ഇനമെന്ന നിലക്ക്​ മീന്‍പിടിത്തം കൂടി ഉള്‍പ്പെടുത്തിയുണ്ട്​. പിടിക്കുന്ന മീന്‍ തത്സമയം പാചകം ചെയ്ത് കഴിക്കാനായി ഗ്രില്‍ കൗണ്ടറും തയാറായി‍. ജെറ്റ് സ്‌കീയിങ്, പാരാ സെയിലിങ്, കയാക്കിങ്, ചെറുവള്ള യാത്ര, ഫ്ലൈബോര്‍ഡ് എന്നിവയും ഉണ്ട്. റോപ് സൈക്ലിങ്, സിപ് ലൈന്‍ എന്നിവക്ക്​ 177 രൂപയും മറ്റ് ഇനങ്ങള്‍ക്കെല്ലാം 118 രൂപയുമാണ് നിരക്ക്. അമ്പെയ്ത്തില്‍ അ​െഞ്ചണ്ണം ലക്ഷ്യത്തില്‍ കൊണ്ടാല്‍ ഈടാക്കിയ തുക തിരികെ നല്‍കും. ഇതേ മാനദണ്ഡ പ്രകാരം എട്ട് ഗണ്‍ഷോട്ടുകള്‍ ലക്ഷ്യത്തിലെത്തിച്ചും തുക നേടാം. ജെറ്റ് സ്‌കി, ബേസിക് സ്‌കി, രണ്ട് പേര്‍ക്കുള്ള സ്പീഡ് ബോട്ട് എന്നിവയ്ക്ക് 590 രൂപ. കയാക്കിങ്​, ബനാന ബോട്ട് ഡ്രൈവ് എന്നിവക്ക്​ 236 വീതവും. രണ്ടുപേര്‍ക്കുള്ള കയാക്കിങ്ങിന് 413 രൂപ. മുക്കാല്‍ മണിക്കൂര്‍ നീളുന്ന സാമ്പ്രാണിക്കോടി യാത്രയ്ക്ക് 3540 രൂപ നല്‍കണം.