ശക്തമായ മഴയില്‍ വീടുകള്‍ തകര്‍ന്നു

പത്തനാപുരം: ശക്തമായ മഴയിൽ മേഖലയില്‍ വീടുകള്‍ തകര്‍ന്നു. നടുക്കുന്ന് ആഷിഖ് മനസിലിൽ അമീർ ഹംസ, വേങ്ങവിളവീട്ടിൽ സലീനാബീവി, കോശീഖാൻ വീട്ടിൽ അബ്​ദുൽ റഹിം എന്നിവരുടെ വീടുകളാണ് തകര്‍ന്നത്. വീട്ടിലുണ്ടായിരുന്നവർ ഓടിമാറിയതിനാൽ ആളപായം ഉണ്ടായില്ല. അബ്​ദുൽ റഹിമി​ൻെറ വീട്ടില്‍ ഭാര്യ സൗദയും മകൻ സിദ്ദീക്കും ഉണ്ടായിരുന്നു. കൂലിപ്പണിക്കാരനായ റഹീമിന് ശാരീരിക ബുദ്ധിമുട്ടുകള്‍ കാരണം വർഷങ്ങളായി ചികിത്സയിലാണ്. ബാക്കിയുള്ള ഭിത്തിയും ഏത് നിമിഷവും ഇടിഞ്ഞ് വീഴാവുന്ന സ്ഥിതിയിലാണ്. അമീര്‍ ഹംസ, സലീന ബീവി എന്നിവരുടെ വീടുകളും ഭാഗികമായി തകര്‍ന്ന നിലയിലാണ്. നിരവധി കൃഷിയിടങ്ങളിലും വെള്ളം കയറിയിട്ടുണ്ട്. പടം.....ശക്തമായ മഴയില്‍ തകര്‍ന്ന നടുക്കുന്ന് അബ്​ദുല്‍ റഹിമി​ൻെറ വീട്