'ശ്രദ്ധേയമായ ചുവടുവെപ്പ്​'

കൊല്ലം: ശ്രീനാരായണ ഗുരു ഓപൺ യൂനിവേഴ്സിറ്റിയിൽ 118 പുതിയ തസ്തികകൾ അനുവദിച്ചതോടെ, വിദൂര വിദ്യാഭ്യാസത്തിൽ സർക്കാർ ശ്രദ്ധേയമായ ഒരു ചുവടുവെപ്പ്​ കൂടി നടത്തിയിരിക്കുകയാണെന്ന്​ ശ്രീനാരായണ ഗുരു ഓപൺ യൂനിവേഴ്സിറ്റി സിൻഡിക്കേറ്റ് മെംബറും ഫിനാൻസ് സ്​റ്റാൻഡിങ് കമ്മിറ്റി കൺവീനറുമായ ബിജു കെ. മാത്യു. 56 അധ്യാപക തസ്തികകളും, 62 അനധ്യാപക തസ്തികകളുമാണ് സൃഷ്​ടിക്കുന്നത്. 12 ബിരുദ കോഴ്സുകളും അഞ്ച് പി.ജി കോഴ്സുകളും അടിയന്തരമായി ആരംഭിക്കാൻ സർവകലാശാല തീരുമാനിച്ചിട്ടുണ്ടെന്ന്​ അദ്ദേഹം പറഞ്ഞു. must കുടിയൊഴിപ്പിക്കൽ: വ്യാപാരികൾ ധർണ നടത്തി (ചിത്രം) കൊല്ലം: ദേശീയപാത വികസനത്തിനുവേണ്ടി നഷ്​ടപരിഹാരം നൽകാതെ വ്യാപാരികളെ കുടിയൊഴിപ്പിക്കുന്നതിനെതിരെ വ്യാപാരി വ്യവസായി ഏകോപനസമിതിയുടെ നേതൃത്വത്തിൽ കലക്ടറേറ്റ് പടിക്കൽ ധർണ നടത്തി. ഏകോപനസമിതി ജില്ല പ്രസിഡൻറ് എസ്. ദേവരാജൻ ഉദ്ഘാടനം ചെയ്​തു. ജില്ല ജനറൽ സെക്രട്ടറി ജി. ഗോപകുമാർ, വൈസ് പ്രസിഡൻറ് ബി. രാജീവ്​, എസ്. കബീർ, കെ. രാമഭദ്രൻ, കെ.ജെ. മേനോൻ, എം.എം. ഇസ്മയിൽ, ജോജോ കെ. എബ്രഹാം, എ.കെ. ഷാജഹാൻ, എ. അൻസാരി, നവാസ് പുത്തൻവീട്, ആൻറണി പാസ്​റ്റർ, ജി. രാജൻകുറുപ്പ്, എസ്. രമേശ്കുമാർ, ഡി. വാവച്ചൻ, ബി. പ്രേമാനന്ദ്, നേതാജി ബി. രാജേന്ദ്രൻ, പുളിമൂട്ടിൽ ബാബു തുടങ്ങിയവർ സംസാരിച്ചു.