പ്ലസ്​ ടു വിദ്യാർഥിനിയെ അപമാനിച്ച സ്വകാര്യ ബസ്​ കണ്ടക്​ടർ അറസ്​റ്റിൽ

(ചിത്രം) കൊല്ലം: പ്രായപൂർത്തിയാകാത്ത പ്ലസ് ​ടു വിദ്യാർഥിനിയെ അപമാനിച്ച സ്വകാര്യ ബസ്​ കണ്ടക്​ടർ പോക്​സോ പ്രകാരം അറസ്​റ്റിൽ. തേവലക്കര താഴത്ത് കിഴക്കതിൽ രാജേഷ് ആണ് (34) പിടിയിലായത്. കഴിഞ്ഞ ദിവസം ഉച്ചക്ക്​ 1.45ന്​ കൊല്ലം റെയിൽവേ സ്​റ്റേഷനിലെ രണ്ടാം ഗേറ്റിൽനിന്നും ചിന്നക്കടയിലേക്ക് യാത്ര ചെയ്​ത പെൺകുട്ടിയാണ് അതിക്രമത്തിനിരയായത്. പണം നൽകി ടിക്കറ്റ് ആവശ്യപ്പെട്ട പെൺകുട്ടിക്ക് ടിക്കറ്റ് നൽകുന്നതിനൊപ്പം ഇയാൾ അപമര്യാദയായി പെരുമാറുകയായിരുന്നു. ബാക്കി കൊടുക്കവേയും ലൈംഗിക അതിക്രമം കാട്ടി. ഇയാളുടെ പ്രവൃത്തി മനഃപൂർവമാണെന്ന് മനസ്സിലാക്കിയ പെൺകുട്ടി പ്രതികരിക്കുകയും ചിന്നക്കട റൗണ്ടിൽ ഡ്യൂട്ടിയിലുണ്ടായിരുന്ന ഈസ്​റ്റ്​ ഇൻസ്​പെക്​ടർ രതീഷിനോട് പരാതിപ്പെടുകയും ചെയ്​തു. പെൺകുട്ടിയുടെ പരാതിയിൽ ആശ്രാമം -ചവറ റൂട്ടിൽ സർവിസ്​ നടത്തുന്ന സ്വകാര്യ ബസ്​ പിടികൂടി കണ്ടക്​ടറെ അറസ്​റ്റ്​ ചെയ്യുകയായിരുന്നു. സ്​കൂൾ തുറക്കുന്ന സാഹചര്യത്തിൽ കുട്ടികളുടെയും വനിതകളുടെയും സുരക്ഷിതത്വത്തിന് വനിതകളടങ്ങിയ പ്രത്യേക സംഘങ്ങളെ മഫ്​തിയിൽ നിയോഗിച്ചതായി കമീഷണർ ടി. നാരായണൻ അറിയിച്ചു. കൊല്ലം ഈസ്​റ്റ്​ ഇൻസ്​പെക്​ടർ ആർ. രതീഷ്, എസ്​.ഐമാരായ ആർ. രതീഷ്​കുമാർ, രജീഷ്, ഹരിദാസൻ, എസ്​.സി.പി.ഒ ബിന്ദു, സി.പി.ഒ അൻഷാദ് എന്നിവരുൾപ്പെട്ട സംഘമാണ് പ്രതിയെ പിടികൂടിയത്. ഇയാളെ റിമാൻഡ്​ ചെയ്​തു. പ്രായപൂർത്തിയാകാത്ത പെൺകുട്ടിയെ ആക്രമിച്ച യുവാവ് പോക്സോപ്രകാരം അറസ്​റ്റിൽ (ചിത്രം) കണ്ണനല്ലൂർ: പ്രായപൂർത്തിയാകാത്ത പെൺകുട്ടിയുടെ കൈക്ക് കടന്നു പിടിച്ച് മർദിച്ച യുവാവ് പൊലീസ്​ പിടിയി ലായി. തൃക്കോവിൽവട്ടം ചേരിക്കോണം ചിറയിൽ വീട്ടിൽ അജിത്ത് ആണ്​ (19) പിടിയിലായത്. കഴിഞ്ഞ 29ന് വൈകീട്ട് ഇയാൾ പെൺകുട്ടിയെ റോഡിൽ തടഞ്ഞ് നിർത്തി കൈക്ക് കടന്നുപിടിച്ച് കരണത്ത് അടിക്കുകയായിരുന്നു. പെൺകുട്ടി പ്രണയാഭ്യർഥന നിരസിക്കുകയും ശല്യം ചെയ്യരുതെന്ന് താക്കീത് ചെയ്യുകയും ചെയ്​ത വിരോധത്തിലാണ് ആക്രമിച്ചത്. ഇയാൾക്കെതിരെ സ്​ത്രീകൾക്കു നേരെയുളള അതിക്രമത്തിനും പോക്സോ പ്രകാരവും കേസെടുത്തു. കണ്ണനല്ലൂർ ഇൻസ്​പെക്​ടർ യു.പി. വിപിൻകുമാറി​ൻെറ നേതൃത്വത്തിൽ സബ്​ ഇൻസ്​പെക്​ടർ സജീവ്, എ.എസ്​.ഐ സതീഷ്​കുമാർ എസ്​.സി.പി.ഒമാരായ സുധ, ജീസാ ജയിംസ്​, സി.പി.ഒ ലാലുമോൻ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാൻഡ്​ ചെയ്​തു.