സ്ത്രീധന പീഡനം; പരാതിയിൽ നടപടി വൈകുന്നതായി ആരോപണം

കൊട്ടിയം: കൂടുതൽ സ്ത്രീധനമാവശ്യപ്പെട്ട് ഭർത്താവും വീട്ടുകാരും പീഡിപ്പിക്കുന്നെന്ന പരാതിയിൽ ഭർത്താവുൾ​െപ്പടെ മൂന്നുപേരെ പ്രതിയാക്കി കൊട്ടിയം പൊലീസ് കേസെടുത്തെങ്കിലും തുടർ നടപടി വൈകുന്നതായി ആരോപണം. പറക്കുളം എം.ഇ.എസ് സ്കൂളിനുസമീപം ആലുംകടയിൽ വീട്ടിൽ നെയ്മയുടെ പരാതിയിലാണ് കൊട്ടിയം പൊലീസ് കേസെടുത്തത്. 2009 ലാണ് സുനിൽ ഷൗക്കത്ത് പരാതിക്കാരിയായ നെയ്​മയെ വിവാഹം കഴിച്ചത്. 50 പവൻ സ്വർണാഭരണവും അഞ്ചുലക്ഷം രൂപയും നൽകിയിരുന്നതായും പിന്നീട്, 15 ലക്ഷം നൽകിയതായും പരാതിയിൽ പറയുന്നു.