കളഞ്ഞുകിട്ടിയ സ്വർണമാല തിരികെ നൽകി

ചാത്തന്നൂർ: പാരിപ്പള്ളി മെഡിക്കൽ കോളജിലെ വനിത സെക്യൂരിറ്റി ഗാർഡിന്​ ആശുപത്രി പരിസരത്തുനിന്ന്​ ലഭിച്ച സ്വർണമാല തിരികെ നൽകി. നാവായിക്കുളം സലീന മൻസിലിൽ സലീനയുടെ സ്വർണമാലയാണ്​ ആശുപത്രി പരിസരത്ത് നഷ്​ടപ്പെട്ടത്​. ഡ്യൂട്ടി കഴിഞ്ഞിറങ്ങിയ വനിത സെക്യൂരിറ്റി ഗാർഡ് ബിന്ദുവിനാണ് മാല കിട്ടിയത്. ഉടമയെ കണ്ടെത്താത്തതിനെ തുടർന്ന് മാല സെക്യൂരിറ്റി ഓഫിസിൽ ഏൽപിച്ചു. വിവരം പാരിപ്പള്ളി പൊലീസിൽ അറിയിച്ചു. മാല നഷ്​ടപ്പെ​​െട്ടന്ന സലീനയുടെ പരാതി ലഭിച്ചതിനെ തുടർന്ന് പൊലീസ്​ അവരെ മെഡിക്കൽ കോളജിലേക്ക് അയച്ചു. ഞായറാഴ്ച രാവിലെ സലീന ആശുപത്രി സുരക്ഷ വിഭാഗത്തിലെത്തി മാല തിരിച്ചറിയുകയും സെക്യൂരിറ്റി ഓഫിസർ ബാബു പ്രദീപ്, അസിസ്​റ്റൻറ്​ സെക്യൂരിറ്റി ഓഫിസർ ഷാജഹാൻ എന്നിവരുടെ സാന്നിധ്യത്തിൽ കൈപ്പറ്റുകയും ചെയ്തു. ഫോട്ടോ: സെക്യൂരിറ്റി ഗാർഡ് ബിന്ദുവിൽനിന്ന്​ സെലീന മാല കൈപ്പറ്റുന്നു