യുവാവിനെ തട്ടിക്കൊണ്ടുപോയി കൊലപാതകശ്രമം; പ്രതികൾ റിമാൻഡിൽ

കരുനാഗപ്പള്ളി: യുവാവിനെ തട്ടിക്കൊണ്ടുപോയി കൊലപ്പെടുത്താൻ ശ്രമിച്ച സംഭവത്തിൽ ഒളിവിലായിരുന്ന രണ്ടു പ്രതികളെ കരുനാഗപ്പള്ളി പൊലീസ് അറസ്​റ്റ്​​ ചെയ്തു. തഴവ, കടത്തൂർ കുരുടൻറയ്യത്ത് നിസാർ (50), മകൻ നൗഫൽ (27) എന്നിവരാണ് പിടിയിലായത്. ഇരുവരെയും കോടതിയിൽ ഹാജരാക്കി റിമാൻഡ് ചെയ്തു. 2020 മേയിലാണ് കേസിനാസ്പദമായ സംഭവം. തഴവ സ്വദേശി നവാസ് എന്ന യുവാവിനെയാണ് തട്ടിക്കൊണ്ടുപോയത്. നേരത്തേ മൂന്നു പ്രതികൾ അറസ്​റ്റിലായിരുന്നു. ഇതിൽ ഒരാളുടെ സഹോദരിയെ കാണാതായ സംഭവവുമായി ബന്ധമുണ്ടെന്നതിനാലാണ് നവാസിനു നേരെ ആക്രമണമുണ്ടായത്. ചവറ പൊലീസ് രജിസ്​റ്റർ ചെയ്ത കേസ്​ കരുനാഗപ്പള്ളി ഇൻസ്പെക്ടറാണ് അന്വേഷിച്ചിരുന്നത്. കരുനാഗപ്പള്ളി എച്ച്.എസ്.ഒ ജി. ഗോപകുമാറി​ൻെറ നേതൃത്വത്തിൽ എസ്.ഐമാരായ അലോഷ്യസ്, രാജേന്ദ്രൻ, എ.എസ്.ഐ ശ്രീകുമാർ, എസ്.സി.പി.ഒ രാജീവ് എന്നിവരാണ് പ്രതികളെ പിടികൂടിയത്.