മത്സ്യവിൽപനയുമായി ബന്ധപ്പെട്ട പ്രചാരണം ആസൂത്രിതമെന്ന് പൊലീസ്

പാരിപ്പള്ളി: മത്സ്യവിൽപനയുമായി ബന്ധപ്പെട്ട് നടത്തുന്ന പ്രചാരണങ്ങൾ അടിസ്ഥാനരഹിതമാണെന്ന് പൊലീസ്. കോവിഡ് മാനദണ്ഡമനുസരിച്ച് ഡി കാറ്റഗറിയിൽപെട്ട പാരിപ്പള്ളി പൊലീസ് സ്​റ്റേഷൻ പരിധിയിൽ എല്ലാ കച്ചവടങ്ങൾക്കും ജില്ല ഭരണകൂടം കടുത്ത നിയന്ത്രണം ഏർപ്പെടുത്തിയിട്ടുണ്ട്. വിലക്കുകൾ ലംഘിച്ച് കച്ചവടം നടത്തുന്നവർക്കെതിരെയുള്ള നടപടികൾ മാത്രമാണ് സ്വീകരിച്ചിട്ടുള്ളത്. അതിനെ പൊലീസ് അതിക്രമമാക്കി ചിത്രീകരിക്കാനുള്ള ആസൂത്രിത നീക്കങ്ങളാണ് ചില കേന്ദ്രങ്ങളിൽനിന്നുണ്ടാകുന്നതെന്നും പൊലീസ് വിശദീകരിച്ചു.