വ്യാജ ചാരായവുമായി രണ്ട് യുവാക്കൾ പിടിയിൽ

ഓയൂർ: വ്യാജ ചാരായവുമായി രണ്ട് യുവാക്കൾ പിടിയിലായി. ഓടനാവട്ടം ജോജോ കോട്ടേജിൽ ജോജോ വർ​ഗീസ് (28), ഓടനാവട്ടം തെള്ളിയക്കാട്ട് പുത്തൻവീട്ടിൽ റോഷൻ എന്നിവരെയാണ്​ പൂയപ്പള്ളി പൊലീസ് പിടികൂടിയത്. വെളിയം ജങ്ഷനിൽ പൊലീസിനെ ആക്രമിച്ച പ്രതികളെ ചോദ്യം ചെയ്തതിൽനിന്നാണ് ഇവരെക്കുറിച്ച് വിവരം ലഭിച്ചത്. പ്രതികളിൽനിന്ന് ചാരായ കച്ചവടത്തിന് ഉപയോ​ഗിച്ച സ്കൂട്ടറും രണ്ട് ലിറ്റർ വ്യാജ ചാരായവും പിടിച്ചെടുത്തു.