ബാലകൃഷ്ണപിള്ള സ്മാരകം പഠനകേന്ദ്രമാക്കണം ^കേരള കോൺഗ്രസ്‌ (ബി)

ബാലകൃഷ്ണപിള്ള സ്മാരകം പഠനകേന്ദ്രമാക്കണം -കേരള കോൺഗ്രസ്‌ (ബി) കൊട്ടാരക്കര: കേരള കോൺഗ്രസ്‌ സ്ഥാപകനേതാവ് ആർ. ബാലകൃഷ്ണപിള്ളയുടെ പേരിൽ കൊട്ടാരക്കരയിൽ നിർമിക്കുന്ന സ്മാരകം ഭാവി തലമുറക്ക്​ പ്രയോജനകരമാകുംവിധം പഠന-ഗവേഷണകേന്ദ്രം ഉൾപ്പെടുന്ന സാംസ്കാരിക നിലയമാക്കണമെന്ന് കേരള കോൺഗ്രസ്‌ (ബി) കൊട്ടാരക്കര നിയോജകമണ്ഡലം കമ്മിറ്റി ആവശ്യപ്പെട്ടു. സ്മാരക നിർമാണത്തിന്​ രണ്ടുകോടി അനുവദിച്ച എൽ.ഡി.എഫ് സർക്കാറിനെ അഭിനന്ദിച്ചു. കൊട്ടാരക്കര പട്ടണത്തിൽ സ്ഥലം വിട്ടുകിട്ടാൻ വേഗം തീരുമാനമുണ്ടാകണമെന്നും വിദ്യാഭ്യാസമേഖലക്ക്​ ഒട്ടേറെ സംഭാവന നൽകിയ ആർ. ബാലകൃഷ്ണപിള്ളയുടെ പേര് കൊട്ടാരക്കര ബോയ്സ് ഹൈസ്കൂളിൽ പുതുതായി നിർമിച്ച കെട്ടിടത്തിന് നൽകണമെന്നും ആവശ്യപ്പെട്ടു. ജില്ല പ്രസിഡൻറ്​ എ. ഷാജു ഉദ്​ഘാടനം ചെയ്തു. ജേക്കബ് വർഗീസ് വടക്കടത് അധ്യക്ഷതവഹിച്ചു. കെ. പ്രഭാകരൻ നായർ, നീലേശ്വരം ഗോപാലകൃഷ്ണൻ, പെരുംകുളം സുരേഷ്, കൃഷ്ണൻകുട്ടി നായർ, കെ.എസ്. രാധാകൃഷ്ണൻ, സബാഷ്ഖാൻ, പെരുംകുളം രാജീവ്‌ എന്നിവർ സംസാരിച്ചു. ....