ഓണത്തിനൊരു മുറം പച്ചക്കറി

കുളത്തൂപ്പുഴ: സംസ്ഥാന സര്‍ക്കാര്‍ നടപ്പാക്കുന്ന 'ഓണത്തിനൊരുമുറം പച്ചക്കറി' പദ്ധതിക്ക് കുളത്തൂപ്പുഴയില്‍ തുടക്കമായി. സുഭിക്ഷ കേരളം പദ്ധതി പ്രകാരം എല്ലാ അംഗൻവാടി കുട്ടികള്‍ക്കും പോഷകാഹാരം ഉറപ്പുവരുത്തി ഓണക്കാലം സുഭിക്ഷമാക്കുക എന്ന ലക്ഷ്യത്തോടെ അംഗൻവാടി കേന്ദ്രീകരിച്ച്​ സംഘടിപ്പിക്കുന്നതാണ്​ പരിപാടി. ഉദ്ഘാടനം കാഞ്ഞിരോട്ടുകുന്ന് അംഗൻവാടിയില്‍ ഗ്രാമപഞ്ചായത്തംഗം ശോഭനകുമാരി നിർവഹിച്ചു. അംഗൻവാടി വളപ്പിലും കുട്ടികളുടെ വീട്ടുമുറ്റങ്ങളിലും പച്ചക്കറിതൈകള്‍ ​െവച്ചുപിടിപ്പിച്ച്​ ഓണക്കാലത്ത് വിളവെടുക്കും. ജീവനക്കാരായ ശ്രീലത, ബിന്ദുമോള്‍, എ.എല്‍.എം.സി കമ്മിറ്റി അംഗങ്ങളായ ഉമ്മര്‍, റഫീക്ക്, ബിജു എന്നിവര്‍ നേതൃത്വം നല്‍കി.