ആശ്വാസത്തിലേക്ക്​, ജാഗ്രത തുടരാം

*കോവിഡ് 862, രോഗമുക്തി 1603 കൊല്ലം: ജില്ലയില്‍ രോഗസ്ഥിരീകരണ കാര്യത്തിൽ തിങ്കളാഴ്​ച ആശ്വാസദിനം. ഏപ്രിൽ 26ന്​​ ശേഷം ആദ്യമായി പ്രതിദിന രോഗബാധിതരുടെ എണ്ണം ആയിരത്തിന്​ താഴെയെത്തി. 862 പേരിലാണ്​ തിങ്കളാഴ്​ച കോവിഡ്​ സ്ഥിരീകരിച്ചത്​. 7227 സാമ്പ്​ൾ പരിശോധിച്ചപ്പോഴാണിത്​. ടെസ്​റ്റ്​ ​േപാസിറ്റിവിറ്റി നിരക്ക്​ 11.92 ശതമാനമായി താഴ്​ന്നു. സമ്പര്‍ക്കം വഴിയാണ്​ 853 പേർക്ക്​​ രോഗം വന്നത്​. വിദേശത്തുനിന്നെത്തിയ മൂന്നുപേരും ഇതര സംസ്ഥാനങ്ങളിൽനിന്നെത്തിയ രണ്ടുപേരും നാല് ആരോഗ്യപ്രവര്‍ത്തകരും പട്ടികയിൽ ഉൾപ്പെടുന്നു. 1603 പേര്‍ തിങ്കളാഴ്​ച രോഗമുക്തി നേടി. കൊല്ലം കോര്‍പറേഷനിലെ രോഗവ്യാപനം തുടരുകയാണ്​. 272 പേർ പുതുതായി രോഗബാധിതരായി​. മുനിസിപ്പാലിറ്റികളില്‍ കരുനാഗപ്പള്ളി -22, പുനലൂര്‍, പരവൂര്‍ -ഏഴു വീതം, കൊട്ടാരക്കര -മൂന്ന് എന്നിങ്ങനെയാണ് രോഗബാധിതരുടെ എണ്ണം. പഞ്ചായത്തുകളില്‍ പെരിനാട് -31, ആദിച്ചനല്ലൂര്‍ -29, തൃക്കോവില്‍വട്ടം -28, കല്ലുവാതുക്കല്‍ -26, ചടയമംഗലം, മയ്യനാട് -23 വീതം, മേലില -22, ഈസ്​റ്റ്​ കല്ലട -21, കുമ്മിള്‍, കൊറ്റങ്കര, ചവറ -20 എന്നിങ്ങനെയാണ്​ രോഗികൾ. ഒന്നും രണ്ടും ഡോസ്​ ഉൾപ്പെടെ ജില്ലയില്‍ തിങ്കളാഴ്​ച 13,505 പേര്‍ക്ക് കോവിഡ് വാക്സിന്‍ നല്‍കി. ആശ്വാസവഴിയിൽ ടി.പി.ആർ കൊല്ലം: കഴിഞ്ഞ ദിവസങ്ങളിലെ രോഗസ്ഥിരീകരണ നിരക്ക്​ നൽകുന്നത്​ ശുഭസൂചന. തിങ്കളാഴ്​ച -11.92, ഞായറാഴ്​ച -16.9, ശനിയാഴ്​ച -15.2, വെള്ളിയാഴ്​ച -16.6 എന്നിങ്ങനെയായിരുന്നു ജില്ലയിലെ ടി.പി.ആർ​. പഞ്ചായത്തുകളിൽ കഴിഞ്ഞ മൂന്ന്​ ദിവസങ്ങളിലെ ശരാശരി ടി.പി.ആർ 14.80 രേഖപ്പെടുത്തിയ ചടയമംഗലമാണ്​ രോഗവ്യാപനതോതിൽ മുന്നിൽ. ഇൗസ്​റ്റ്​ കല്ലട -12.74, ഇളമ്പല്ലൂർ -12.30, തൃക്കോവിൽവട്ടം -12.3, പെരിനാട്​ -12.04, കൊറ്റങ്കര -11.95, മയ്യനാട്​ -11.72, ചിതറ -11.7, ഇടമുളയ്​ക്കൽ -11.67 എന്നിവിടങ്ങളിലാണ്​ ടി.പി.ആർ 10 ന്​ മുകളിലുള്ളത്​. കൊല്ലം കോർപറേഷൻ (6.68) ഉൾപ്പെടെ മറ്റ്​ പ്രദേശങ്ങളിലെല്ലാം 10 ശതമാനത്തിന്​ താഴെയാണ്​ ടി.പി.ആർ. വെസ്​റ്റ്​ കല്ലട പഞ്ചായത്തിലാണ്​ വ്യാപനം ഏറ്റവും കുറവ്​ -0.80 ശതമാനം.