ലോക്​ഡൗൺ ഇളവുകളായി; നിരത്തുകൾ സജീവം

കൊല്ലം: കോവിഡ്​ ലോക്​ഡൗണിന്​ കൂടുതൽ ഇളവുകൾ പ്രാബല്യത്തിലായതോടെ നാട്​ നിറഞ്ഞ്​ ജനം. വ്യവസായശാലകളും വസ്​ത്രവ്യാപാര കേന്ദ്രങ്ങളും ജ്വല്ലറികളും ഉൾപ്പെടെ ഉപാധികളോടെ പ്രവർത്തനം ആ​രംഭിച്ചതോടെയാണ്​ നിരത്തിൽ തിരക്കേറിയത്​. പരിശോധനകൾക്കായി ജങ്​ഷനുകളിൽ പൊലീസ്​ സംഘം പതിവുപോലെ നിലയുറപ്പിച്ചെങ്കിലും തിരക്കുകൂട്ടിയെത്തിയ സ്വകാര്യവാഹനങ്ങൾ ഗതാഗത സ്​തംഭനത്തിന്​ വഴിവെക്കാതെ സുഗമമായി കടത്തിവിടുന്ന ചുമതലയായിരുന്നു ഏറ്റെടുത്തത്​. കൊല്ലം നഗരത്തിലുൾപ്പെടെ ലോക്​ഡൗണി​ൻെറ ഭാഗമായി കെട്ടിയടച്ച റോഡുകൾ തുറക്കാതെ ഒരു ഭാഗത്തുകൂടി മാത്രം ഗതാഗതം അനുവദിച്ചത്​ ഗതാഗതക്കുരുക്കിന്​ കാരണമായി. രാവിലെ ഒാഫിസ്​ ആരംഭിക്കുന്ന സമയത്തും വൈകീട്ട്​ അവസാനിക്കുന്ന സമയത്തുമായിരുന്നു കൂടുതൽ ​വാഹനങ്ങൾ റോഡിലെത്തിയത്​. കെ.എസ്​.ആർ.ടി.സി, സ്വകാര്യ ബസുകൾ ഇല്ലാത്തതും ഒാ​േട്ടാറിക്ഷകൾ അപൂർവമായതും മാത്രമായിരുന്നു​ മുൻകാലങ്ങളിൽനിന്ന്​ വ്യത്യസ്​തമായി നിരത്തുകളിലെ കാഴ്​ച.