തയ്യൽ തൊഴിലാളി ധർണ വ്യാഴാഴ്​ച

കൊല്ലം: പ്രസവാനുകൂല്യ കുടിശ്ശിക ഉടന്‍ വിതരണം ചെയ്യുക, അംശാദായ വർധനക്കനുസരിച്ച് സര്‍ക്കാര്‍ വിഹിതം വർധിപ്പിക്കുക തുടങ്ങിയ ആവശ്യങ്ങളുന്നയിച്ച്​ ഓൾ കേരള ടെയ്​ലേഴ്​സ്​ അസോസിയേഷ​ൻെറ (എ.കെ.ടി.എ) നേതൃത്വത്തില്‍ തയ്യല്‍ തൊഴിലാളികള്‍ ഫെബ്രുവരി 11ന് സെക്രട്ടേറിയറ്റ്‌, കലക്​ടറേറ്റുകള്‍ക്ക് മുമ്പിൽ ധര്‍ണ നടത്തും. തയ്യല്‍ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികള്‍ക്ക് അധിക പ്രസവധനസഹായം 49868 രൂപ നല്‍കാനുണ്ട്​. പെന്‍ഷന്‍ കുടിശ്ശിക പതിനായിരത്തില്‍പരം അംഗങ്ങള്‍ക്ക് കിട്ടാനുണ്ടെന്നും ജനറൽ സെക്രട്ടറി എൻ.സി. ബാബു വാർത്തസമ്മേളനത്തിൽ പറഞ്ഞു. കുടുംബ പെന്‍ഷന്‍ നിര്‍ത്തലാക്കുമെന്ന പ്രഖ്യാപനം പിന്‍വലിക്കണം. വിവിധ ആവശ്യങ്ങളടങ്ങിയ നിവേദനം സര്‍ക്കാറിന് സമര്‍പ്പിച്ചെങ്കിലും നടപടികളൊന്നുമുണ്ടായിട്ടില്ല. ജില്ല സെക്രട്ടറി ജി. സജീവൻ, ട്രഷറർ എസ്. പശുപാലൻ എന്നിവരും വാർത്തസ​മ്മേളനത്തിൽ പ​െങ്കടുത്തു. എയ്​ഡഡ്​ സ്​കൂൾ പ്രീ പ്രൈമറി അധ്യാപികമാർക്ക്​ വേതനമില്ല കൊല്ലം: കോവിഡ്​ മൂലം സ്​കൂളുകൾ അടച്ചിട്ടതിനെതുടർന്ന്​ എയ്​ഡഡ്​ സ്​കൂൾ പ്രീ പ്രൈമറി അധ്യാപികമാർക്ക്​ വേതനമില്ല. കുട്ടികളുടെ ഫീസിനത്തിൽ കിട്ടിയിരുന്ന തുച്ഛമായ തുകയായിരുന്നു വരുമാനം. എന്നാൽ, സ്​കൂളുകൾ തുറക്കാതിനെതുടർന്ന്​ ആ വരുമാനം നിലച്ചിരിക്കുകയാണെന്ന്​ എയ്​ഡഡ്​ സ്​കൂൾ പ്രീ പ്രൈമറി അധ്യാപിക ആൻഡ്​ ആയാസ്​ യൂനിയൻ ഭാരവാഹികൾ വാർത്തസമ്മേളനത്തിൽ പറഞ്ഞു. സംസ്ഥാനത്താകെ 8000ത്തിൽ പരം അധ്യാപികമാരും ആയമാരുമാണുമുള്ളത്​. സർക്കാർ സ്​കൂളിനോട്​ ചേർന്ന്​ പ്രവർത്തിക്കുന്ന പ്രീ പ്രൈമറി അധ്യാപികമാർക്കും ആയമാർക്കും സർക്കാറാണ്​ ഒാണറേറിയം നൽകുന്നത്​. എയ്​ഡഡ്​ സ്​കൂളുകളിൽ പി.ടി.എയുടെ നേതൃത്വത്തിലാണ്​ ​പ്രീ പ്രൈമറി വിഭാഗം പ്രവർത്തിക്കുന്നത്​. എയ്​ഡഡ്​ സ്​കൂൾ പ്രീ പ്രൈമറി അധ്യാപികമാർക്ക് സർക്കാർ ഒാണറേറിയം നൽകുമെന്ന്​ കഴിഞ്ഞ നിയമസഭാ തെരഞ്ഞെടുപ്പിൽ വാഗ്​ദാനം നൽകിയിരുന്നെങ്കിലും അത്​ പാലിക്കപ്പെട്ടില്ലെന്ന്​ കൺവീനർ കുമാരിയമ്മ വാർത്തസമ്മേളനത്തിൽ പറഞ്ഞു. കെ.എസ്​. മഞ്​ജു​, മിലി.പി, സിന്ധുലേഖ എന്നിവരും വാർത്തസമ്മേളനത്തിൽ പ​െങ്കടുത്തു.