അക്രമിസംഘം കെ.എം.എം.എൽ കരാർ തൊഴിലാളിയുടെ വീട് ആക്രമിച്ചു

ചവറ: അക്രമിസംഘം വീടുമാറി കെ.എം.എം.എൽ കരാർ തൊഴിലാളിയുടെ വീട് ആക്രമിച്ചു. പന്മന ചിറ്റൂർ കാർത്തികയിൽ കുഞ്ഞിക്കുട്ടൻ എന്നുവിളിക്കുന്ന ബേബി ഡോണി​ൻെറ വീടാണ് ആക്രമിക്കപ്പെട്ടത്. വ്യാഴാഴ്ച പുലർച്ച 12.30 ഓടെയായിരുന്നു ആക്രമണം. അക്രമികളിൽപെട്ട കൊട്ടുകാട്, ചിറ്റൂർ, കൊട്ടാരത്തുംകടവ് സ്ഥലവാസികളായ ശ്രീജിത്ത്, രാഹുൽ, ബിനു എന്നിവരെ പിടികൂടി. കണ്ടാലറിയാവുന്ന ആറുപേർക്കെതിരെ ചവറ പൊലീസ് കേസെടുത്തു. മുഖമൂടി ധരിച്ചെത്തിയ എട്ടംഗ ആക്രമിസംഘം മാരകായുധങ്ങളുമായെത്തി വീടി​ൻെറ ജനലുകളും ഗൃഹോപകരണങ്ങളും ബൈക്ക്, സൈക്കിൾ എന്നിവ നശിപ്പിക്കുകയും വീടിന്​ കേടുപാടുകൾ വരുത്തുകയും ചെയ്തു. ബഹളം കേട്ടെത്തിയ അയൽവാസികൾക്ക്‌ മാരകായുധങ്ങളുമായി ആക്രോശിക്കുന്ന അക്രമികളെ തടയാൻ കഴിഞ്ഞില്ല. ആക്രമണത്തിൽ വീട്ടുടമസ്ഥൻ ബേബി ഡോണിന് നിസാര പരിക്കേറ്റു. വിവരമറിഞ്ഞ്​ ചവറ പൊലീസ് ഉടൻ സ്ഥലത്തിയപ്പോഴേക്കും അക്രമികൾ തിരികെ പോയിരുന്നു. പൊലീസ് പറയുന്നതിനെ: ജാരിസ്, കൊച്ചനിയൻ എന്നിവരുടെ ഗുണ്ടാ സംഘങ്ങൾ തമ്മിലുള്ള ആക്രമണത്തി​ൻെറ തുടർച്ചയെന്നോണം ബേബി ഡോണി​ൻെറ വീടിനുസമീപം താമസിച്ചുവരുകയായിരുന്ന കൊച്ചനിയുടെ കൂട്ടുകക്ഷിയായ കണ്ണപ്പനെ തേടിയാണ് അക്രമിസംഘം എത്തിയത്. എന്നാൽ കണ്ണപ്പൻ ഇവിടെനിന്ന്​ മാറി മറ്റൊരു സ്ഥലത്തെ വാടകവീട്ടിൽ താമസിക്കുകയാണെന്ന് പറയുന്നു. ആക്രമണത്തിൽ 25,000 രൂപയുടെ നാശനഷ്​ടമുണ്ടായതായി പൊലീസ് പറഞ്ഞു. ചിത്രം : kl26 prathikal.jpg kl26 prathikal 02.jpg kl26 prathikal 03.jpg kl26 prathikal 04.jpg 1 .അമ്പിളി എന്ന ശ്രീജിത്ത് 2 രാഹുൽ 3 ബിനു 4 അക്രമികൾ തകർത്ത വീടി​ൻെറ ജനലുകൾ