Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightകരുനാഗപ്പള്ളിയിൽ...

കരുനാഗപ്പള്ളിയിൽ വിവിധയിടങ്ങളിൽ മഴക്കെടുതി

text_fields
bookmark_border
(ചിത്രം) കരുനാഗപ്പള്ളി: ശക്തമായ കാറ്റിലും മഴയിലും കരുനാഗപ്പള്ളിയുടെ വിവിധ പ്രദേശങ്ങളിൽ നാശം. നിരവധി വീടുകൾക്ക് കേടുപാടുകളുണ്ടായി. വീടുകൾക്ക് മുകളിലേക്ക് മരങ്ങൾ പിഴുതുവീണ് വ്യാപക നാശമുണ്ടായി. കരുനാഗപ്പള്ളി, പടനായർകുളങ്ങര വടക്ക് ഷിഹാസ് മൻസിലിൽ, മുഹമ്മദ് ബഷീറിൻെറ വീട്ടിൻെറ ഷീറ്റുകൾ പറന്നുപോയി. സമീപ വീടി​ൻെറ വാട്ടർ ടാങ്കും തകർന്നു. വീടി​ൻെറ പാർശ്വഭിത്തികളും തകർന്നിട്ടുണ്ട്. അയണിവേലികുളങ്ങര വില്ലേജിൽ കോഴിക്കോട്, ചക്കാലയിൽ തെക്കതിൽ ഷംസുദ്ദീൻകുഞ്ഞിൻെറ വീട്ടിലേക്ക് പുളിമരം വീണ് വീട് പൂർണമായി തകർന്നു. അയണിവേലികുളങ്ങര വില്ലേജിൽ കോഴിക്കോട് മുറിയിൽ കന്നേലിൽ ഉഷയുടെ വീട്ടിലേക്ക് കാറ്റിലും മഴയിലും കവുങ്ങ് വീണ് വീട് ഭാഗികമായി തകർന്നു. മരുതൂർക്കുളങ്ങര തെക്ക്, കൊമളത്ത് മധു, പണിക്കർകടവ്, തണ്ടാൻറയ്യത്തു തറയിൽ ജസീറുദ്ദീൻകുഞ്ഞ്, മരു. തെക്ക് ശ്രീവിലാസത്ത് ചന്ദ്രദാസ് എന്നിവരുടെ വീടുകളിലേക്കും മരം പിഴുതുവീണ് നാശമുണ്ടായി. കാലവർഷക്കെടുതി മൂലമുണ്ടായ കാറ്റിലും മഴയിലും കരുനാഗപ്പള്ളിയുടെ വിവിധ ഭാഗങ്ങളിൽ നിരവധി മരങ്ങൾ കടപുഴകിവീണു. കരുനാഗപ്പള്ളി അഗ്നിശമന രക്ഷാസേന എത്തി ഇവ മുറിച്ചുമാറ്റി.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story