മുള്ളൻപന്നിശല്യം രൂക്ഷം

അഞ്ചൽ: ആയൂർ, നടുക്കുന്നുംപുറം എന്നീ പ്രദേശങ്ങളിൽ മുള്ളൻപന്നി ശല്യം വർധിച്ചതായി നാട്ടുകാർ. വാഴ, ചീനി, ചേന, ചേമ്പ്, റബർ, തെങ്ങ് മുതലായ കൃഷികളെല്ലാം കുത്തിയിളക്കിയിട്ടിരിക്കുകയാണ്. വായ്പയെടുത്തും കടംവാങ്ങിയും ഓണവിപണി ലക്ഷ്യമിട്ട് കൃഷിയിറക്കിയിരുന്ന കർഷകർ ഇനിഎന്തു ചെയ്യുമെന്ന വിഷമത്തിലാണ്. ശല്യക്കാരായ വന്യജീവികളെ വെടി​െവച്ചുകൊല്ലാനുള്ള ഗ്രാമ പഞ്ചായത്ത് പ്രസിഡൻറിന്‍റെ പ്രത്യേകാധികാരം ഉപയോഗിച്ച് ഇത്തരം ജീവികളെ നശിപ്പിച്ച് കർഷകരെ രക്ഷിക്കണമെന്നും കൃഷിക്ക് നഷ്ടപരിഹാരം നൽകണമെന്നും നാട്ടുകാർ ആവശ്യപ്പെടുന്നു