ഓട്ടോ ഡ്രൈവറെ മർദിച്ച കേസിലെ പ്രതികൾ അറസ്റ്റിൽ

കുണ്ടറ: പ്രശ്നപരിഹാരത്തിന്​ ഒത്തുതീർപ്പ്​ സംസാരിക്കുന്നതിനിടെ ഓട്ടോ ഡ്രൈവറെ മർദിച്ചെന്ന പരാതിയിൽ രണ്ടുപേർ പിടിയിൽ. കാഞ്ഞിരോട് ജാനകി ഭവനത്തിൽ മോഹൻലാൽ (33), കാഞ്ഞിരോട് ഇടക്കര കിഴക്കേവിള വീട്ടിൽ ജയേഷ്​കുമാർ (34) എന്നിവരെയാണ്​ കുണ്ടറ പൊലീസ്​ അറസ്റ്റ്​ ചെയ്തത്​. ചിറയിൽപള്ളിക്ക് സമീപം സൈന മൻസിലിൽ ഇർഷാദി(33)നാണ് മർദനമേറ്റത്. 15ന് രാത്രി ഒമ്പതോടെ തെറ്റിക്കുന്ന് ക്ഷേത്രത്തിന്​ സമീപം ഇർഷാദിനെ മർദിക്കുകയും വെട്ടിപ്പരിക്കേൽപിക്കുകയും ചെയ്ത കേസിലാണ് അറസ്റ്റ്. മുൻവിരോധം പറഞ്ഞ് ഒത്തുതീർപ്പാക്കുന്നതിന്​ സംസാരിക്കുന്നതിനിടയിൽ ഇർഷാദിനെ പ്രതികൾ ചേർന്ന് വെട്ടിപ്പരികേൽപിക്കുകയായിരുന്നു എന്നാണ്​ പരാതി. ആക്രമണത്തിൽ ഇർഷാദിന്‍റെ കൈയിലും കാലിലും വെട്ടേറ്റു. സംഭവശേഷം ഒളിവിൽ പോയ പ്രതികളെ കുണ്ടറ പൊലീസ്​ സ്റ്റേഷൻ ഐ.എസ്​.എച്ച്.ഒ മഞ്ജുലാലിന്‍റെ നേതൃത്വത്തിൽ എസ്​.ഐ ആനന്ദ് കൃഷ്ണൻ, എ.എസ്​.ഐ സതീശൻ, സിവിൽ പൊലീസ്​ ഓഫിസർമാരായ റിജു ആൻസർ എന്നിവർ ചേർന്നാണ് അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.