ഇരവിപുരത്ത്​ വല നിറയെ ചാള

ഇരവിപുരം: ഇരവിപുരം തീരപ്രദേശത്തുനിന്ന്​ ഫൈബർ കട്ടമരങ്ങളിൽ മത്സ്യബന്ധനത്തിനുപോയ തൊഴിലാളികൾക്ക് വല നിറയെ ചാള ലഭിച്ചു. വെള്ളിയാഴ്ച കടലിൽ പോയ കട്ടമരങ്ങൾക്കാണ് നെയ്ചാള ധാരാളമായി ലഭിച്ചത്. എല്ലാവർക്കും ചാള സുലഭമായി ലഭിച്ചതോടെ വിലയിലും വലിയ ഇടിവുണ്ടായി. ഏറെ നാളുകൾക്ക്​ ശേഷമാണ് ഇവിടത്തെ മത്സ്യത്തൊഴിലാളികൾക്ക് വല നിറയെ മത്സ്യം ലഭിക്കുന്നത്. കർഷക ദിനാഘോഷം കൊല്ലം: വേണാട് ജൈവ കർഷകസംഘം കർഷക ദിനാഘോഷം ചേരിയിൽ സുകുമാരൻ നായർ ഉദ്ഘാടനം ചെയ്തു. പിഞ്ഞാണിക്കട നജീബ് അധ്യക്ഷത വഹിച്ചു. ഡോ. ശരത് രാജ്, ഇരവിപുരം ഷാജഹാൻ, എം.എസ്. മണി, ഷിബു റാവുത്തർ, ഗോപകുമാർ എന്നിവർ സംസാരിച്ചു.