ബിഷപ് ജെറോം നഗർ വ്യാപാരോത്സവം

കൊല്ലം: കൊല്ലം ബിഷപ് ജെറോം നഗർ വ്യാപാരസമൂഹം ഓണത്തോടനുബന്ധിച്ച്​ 17 മുതൽ സെപ്റ്റംബർ 11 വരെ 'വ്യാപാരോത്സവം 2022' സംഘടിപ്പിക്കുന്നു. ജെറോം നഗറിലെ 180ലധികം സ്ഥാ​പനങ്ങൾ പങ്കെടുക്കും. ഈ കാലയളവിൽ ഇവിടത്തെ ഏത് സ്ഥാപനങ്ങളിൽനിന്ന്​ സാധനങ്ങൾ വാങ്ങിയാലും സൗജന്യ സമ്മാന കൂപ്പണുകൾ നൽകും. വിജയികൾക്ക് മെഗാ സമ്മാനങ്ങൾ, മലേഷ്യൻ ടൂർ പാക്കേജ് ഗോൾഡ് കോയിൻ, വാഗമൺ പാക്കേജ് മുതലായവ നൽകും. 17ന് വൈകീട്ട് ആറിന്​ ബിഷപ്​ ഡോ. പോൾ ​ആന്‍റണി മുല്ലശ്ശേരി വ്യാപാരോത്സവം ഉദ്​ഘാടനം ചെയ്യും. ജെറോം നഗർ ട്രസ്റ്റ് ഡയറക്ടർ ഫാ. സ്റ്റീഫൻ അധ്യക്ഷതവഹിക്കും. മേയർ പ്രസന്ന ഏണസ്റ്റ് കൂപ്പണുകളുടെ വിതരണോദ്ഘാടനം നിർവഹിക്കും.