സൂപ്പർ ഫാസ്റ്റും ടോറസും കൂട്ടിയിടിച്ച് യാത്രക്കാർക്ക് പരിക്ക്

ചാത്തന്നൂർ: ദേശീയപാതയിൽ കെ.എസ്.ആർ.ടി.സി സൂപ്പർഫാസ്റ്റ് ബസും ടോറസ്ടിപ്പർ ലോറിയും കൂട്ടിയിടിച്ച് പത്തോളം പേർക്ക് പരിക്കേറ്റു. വെള്ളിയാഴ്ച വൈകീട്ട്​ ആറോടെ ഇത്തിക്കര പാലത്തിനടുത്തായിരുന്നു അപകടം. പാലക്കാട്ടേക്ക് പോകുകയായിരുന്ന സൂപ്പർഫാസ്റ്റ് ബസാണ് അപകടത്തിൽപെട്ടത്. പരിക്കേറ്റവരെ കൊട്ടിയത്തെ രണ്ട് സ്വകാര്യ ആശുപത്രികളിലായി പ്രവേശിപ്പിച്ചു. ആരുടെയും പരിക്ക് ഗുരുതരമല്ല.