സ്വാതന്ത്ര്യദിനം ജീവകാരുണ്യ പ്രവർത്തനദിനമായി ആചരിക്കും

കരുനാഗപ്പള്ളി: സ്വാതന്ത്ര്യത്തിന്‍റെ 75-ാം വാർഷികം താലൂക്ക് ജമാഅത്തിന്‍റെ കീഴിലുള്ള 36 ജമാഅത്തുകൾ ജീവകാരുണ്യ പ്രവർത്തന ദിനമായി ആചരിക്കാൻ താലൂക്ക് യൂനിയൻ നേതൃയോഗം തീരുമാനിച്ചു. എല്ലാ ജമാഅത്തുകളുടെയും പള്ളികളുടെയും മദ്റസ അങ്കണത്തിലും പൊതു ഇടങ്ങളിലും ദേശീയഗാനത്തോടെ പതാക ഉയർത്താനും സ്വാതന്ത്യദിന പ്രതിജ്ഞ ചൊല്ലാനും തീരുമാനിച്ചു. താലൂക്ക് യൂനിയൻ പ്രസിഡന്‍റ് വലിയത്ത് ഇബ്രാഹിംകുട്ടി അധ്യക്ഷത വഹിച്ചു. കെ.എ. ജവാദ്, കുരുടന്‍റയ്യത്ത് വാഹിദ്, എം. ഇബ്രാഹിംകുട്ടി, സി.എം.എ നാസർ, ഖലീലുദ്ദീൻ പൂയപ്പള്ളിൽ, റൗഫ് കോട്ടക്കര, പി.എച്ച്. മുഹമ്മദ് എന്നിവർ സംസാരിച്ചു.