തമ്പാൻ സമാനതകളില്ലാത്ത രാഷ്ട്രീയ വ്യക്തിത്വം –കെ.സി. വേണുഗോപാൽ എം.പി

ചിത്രം കൊല്ലം: സമാനതകളില്ലാത്ത രാഷ്ട്രീയ വ്യക്തിത്വത്തിനുടമയായിരുന്നു ഡോ. ജി. പ്രതാപവർമതമ്പാനെന്ന് എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ എം.പി. സമകാലീന രാഷ്ട്രീയത്തിന് തമ്പാന്‍റെ വിയോഗം വൻ നഷ്​ടമാണെന്നും കോൺഗ്രസ്​ പ്രസ്ഥാനം ഏക്കാലവും നന്ദിയോടെ തമ്പാന്‍റെ രാഷ്ട്രീയം ഓർക്കുമെന്നും അദ്ദേഹം പറഞ്ഞു. ഡി.സി.സി സംഘടിപ്പിച്ച ജി. പ്രതാപവർമ തമ്പാൻ അനുസ്​മരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. ഡി.സി.സി പ്രസിഡന്‍റ്​ പി. രാജേന്ദ്രപ്രസാദ് അധ്യക്ഷത വഹിച്ചു. എം.പിമാരായ കൊടിക്കുന്നിൽ സുരേഷ്, എൻ.കെ. പ്രേമചന്ദ്രൻ, രാജ്മോഹൻ ഉണ്ണിത്താൻ, എം.കെ. രാഘവൻ, പി.സി. വിഷ്ണുനാഥ് എം.എൽ.എ, കെ.പി.സി.സി ജനറൽ സെക്രട്ടറിമാരായ പഴകുളം മധു, എം.എം. നസീർ, കെ.സി. രാജൻ, എ. ഷാനവാസ്​ഖാൻ, ബിന്ദുകൃഷ്ണ, ശൂരനാട് രാജശേഖരൻ, പുനലൂർ മധു, എഴുകോൺ നാരായണൻ എന്നിവർ സംസാരിച്ചു.