ഭരണഘടന സാക്ഷരതക്ലാസും പ്രതിഭ സംഗമവും

ഓയൂർ: ഇടയ്ക്കിടം വിജ്ഞാനോദയം വായനശാലയിൽ ബാലവേദി അംഗങ്ങൾക്ക് ഭരണഘടന സാക്ഷരത ക്ലാസും പ്രതിഭാസംഗമവും നടത്തി. സെനറ്റർമാരായ സദാനന്ദൻ ശശിധരൻ, വിമലാഭായി എന്നിവർ ഭരണഘടനയെക്കുറിച്ച് വിശദീകരിച്ചു. എസ്​.എസ്​.എൽ.സി, പ്ലസ് ​ടു പരീക്ഷയിൽ എ പ്ലസ്​ ലഭിച്ച കുട്ടികളെ ഫലകവും കാഷ് അവാർഡും നൽകി ആദരിച്ചു. പ്രതിഭ സംഗമം പ്രഫ. എൻ. ശശികുമാർ ഉദ്ഘാടനം ചെയ്തു. വായനശാല പ്രസിഡന്‍റ് ആർ. സോമൻ അധ്യക്ഷതവഹിച്ചു. ഹേമൻ, രഞ്ജിത്, സരസ്വതി, സെക്രട്ടറി ആർ. ബാബു, ലൈബ്രേറിയൻ എസ്​. വത്സല എന്നിവർ സംസാരിച്ചു. കാത്തിരിപ്പ് കേന്ദ്രം വൃത്തിയാക്കി കൊട്ടാരക്കര: കിള്ളൂർ ജങ്ഷനിലെ കാത്തിരിപ്പുകേന്ദ്രം സി.പി.എം, ഡി.വൈ.എഫ്.ഐ പ്രവർത്തകർ വൃത്തിയാക്കി. ദേശീയപാതയരികിൽ വർഷങ്ങളായി കാടുമൂടിക്കിടന്ന കാത്തിരിപ്പ് കേന്ദ്രമാണ് പ്രവർത്തകർ ഉപയോഗക്ഷമമാക്കിയത്. ഇഴജന്തുക്കളുടെയും തെരുവ് നായ്ക്കളുടെയും താവളമായിരുന്നു ഇവിടം. കൊല്ലം ഭാഗത്തേക്കുള്ള ബസ്​ കാത്തുനിൽക്കുന്നവർക്ക് കയറി നിൽക്കാൻ മറ്റ് മാർഗങ്ങളുമില്ലായിരുന്നു. സി.പി.എം നെടുവത്തൂർ ലോക്കൽ കമ്മിറ്റിയും ഡി.വൈ.എഫ് ഐ മേഖല കമ്മിറ്റിയും ചേർന്ന് സേവന പ്രവർത്തനം നടത്തിയത്. മണ്ണുമാന്തിയന്ത്രം ഉപയോഗിച്ച് കാത്തിരിപ്പ് കേന്ദ്രത്തിന്‍റെ സമീപത്തെ കാട് തെളിക്കുകയും കേന്ദ്രത്തിന്‍റെ ഉൾഭാഗം വൃത്തിയാക്കുകയും ചെയ്തു. ആവശ്യം വേണ്ടുന്ന അറ്റകുറ്റപ്പണികൾകൂടി നടത്തുമെന്ന് പ്രവർത്തകർ പറഞ്ഞു.