'ധീര' ആയോധനകല പരിശീലന പരിപാടി

കൊല്ലം: ശിശുസംരക്ഷണ യൂനിറ്റിന്‍റെ ആഭിമുഖ്യത്തില്‍ ജില്ലതലത്തില്‍ ശാരീരിക-മാനസിക പ്രതിരോധം ലക്ഷ്യമാക്കിയുള്ള 'ധീര' പരിശീലന പരിപാടിക്ക്​ തുടക്കം. വില്ലിമംഗലം വി.എസ് യു.പി സ്‌കൂളില്‍ മന്ത്രി ജെ. ചിഞ്ചുറാണി ഉദ്ഘാടനം നിര്‍വഹിച്ചു. കോവൂര്‍ കുഞ്ഞുമോന്‍ എം.എല്‍.എ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ്​ ജയദേവി മോഹന്‍, മൺറോതുരുത്ത് പഞ്ചായത്ത് പ്രസിഡന്‍റ്​ മിനി സൂര്യകുമാര്‍, ജില്ല ശിശുസംരക്ഷണ ഓഫിസര്‍ ടിജു റെയ്ച്ചല്‍ തോമസ്, മറ്റു ജനപ്രതിനിധികള്‍ എന്നിവര്‍ പങ്കെടുത്തു. പാചകവാതക അദാലത് നാളെ കൊല്ലം: ജില്ലയിലെ ഗാര്‍ഹിക പാചകവാതക ഉപഭോക്താക്കളുടെ പരാതി പരിഹരിക്കുന്നതിനായി 27ന് വൈകീട്ട് 3.30ന് കലക്ടറേറ്റ് കോണ്‍ഫറന്‍സ് ഹാളില്‍ പാചകവാതക അദാലത് നടക്കും. എണ്ണക്കമ്പനി-വിതരണ ഏജന്‍സി പ്രതിനിധികള്‍, പൊതുവിതരണ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുക്കും. നേരിട്ട് പരാതികള്‍ നല്‍കി അദാലത്തില്‍ പരിഹാരം കാണാം.