പാറ ക്വാറിയിലെ സംഘർഷം: വധശ്രമത്തിന് കേസെടുത്തു

കൊട്ടാരക്കര: വെണ്ടാർ ചാപ്രയിൽ പാറ ക്വാറിയിൽ ഇരുവിഭാഗങ്ങൾ തമ്മിൽ നടന്ന സംഘർഷത്തിൽ വധശ്രമം ഉൾപ്പെടെയുള്ള വകുപ്പുകൾ ചുമത്തി കേസെടുത്തു​. 23 ആളുകളുടെ പേരിലാണ് കേസെടുത്തത്. സംഘർഷത്തിൽ പരിക്കേറ്റ ഡി.വൈ.എഫ്.ഐ നേതാവ് തലയണവിള സ്വദേശി നിഷാന്തി‍ൻെറ പരാതിയിൽ ആർ.എസ്​.എസ്​ പ്രാദേശികനേതാവ് കുഴക്കാട് സ്വദേശി ഷൈൻ ഉൾപ്പെടെയുള്ളവരുടെ പേരിലും പരിക്കേറ്റ ഐവർകാല സ്വദേശി മഹേഷി‍ൻെറ പരാതിയിൽ നെടുവത്തൂർ പഞ്ചായത്ത് കോട്ടാത്തല വാർഡംഗവും സി.പി.ഐ നേതാവുമായ എസ്​. ത്യാഗരാജൻ ഉൾപ്പെടെയുള്ളവർക്കെതിരെയുമാണ്​ കേസ്​. ബുധനാഴ്ച രാവിലെയാണ് ലോറികൾക്ക് പാറ നൽകുന്നതിനെച്ചൊല്ലിയുണ്ടായ തർക്കം അടിപിടിയിൽ കലാശിച്ചത്. ലാപ്ടോപ്​ വിതരണം ഓയൂർ: എ.പി.ജെ. അബ്ദുൽകലാം സാങ്കേതിക സർവകലാശാലയുടെ പദ്ധതിയുടെ ഭാഗമായി റോഡുവിള ട്രാവൻകൂർ എൻജിനീയറിങ് കോളജിലെ വിദ്യാർഥികൾക്ക് ലാപ്ടോപ്പുകളുടെ വിതരണം എൻ.കെ. ​പ്രേമചന്ദ്രൻ എം.പി ഉദ്ഘാടനം ചെയ്തു. കോളജ് ചെയർമാൻ അൻവർ സാദത്ത് അധ്യക്ഷത വഹിച്ചു. വെളിനല്ലൂർ പഞ്ചായത്ത് പ്രസിഡന്‍റ്​ എം. അൻസാർ, പഞ്ചായത്തംഗം പി.ആർ സന്തോഷ്, മുൻ പഞ്ചായത്തംഗം ജയിംസ്​ എൻ. ചാക്കോ, വൈസ്​ പ്രിൻസിപ്പൽ സി. കണ്ണൻ, അഡ്മിനിസ്​ട്രേറ്റിവ് ഓഫിസർ എ. ഷാജഹാൻ, കോളജ് യൂനിയൻ ചെയർമാൻ എസ്​. സൽമാൻ എന്നിവർ സംസാരിച്ചു.