മത്സ്യഫെഡ് ക്രമക്കേട്: വിജിലന്‍സ് അന്വേഷണത്തിന്​ ശിപാര്‍ശ

കൊല്ലം: മത്സ്യഫെഡിന്‍റെ ശക്തികുളങ്ങര കോമണ്‍ ഫിഷ് പ്രോസസിങ്​ സെന്‍ററുമായി ബന്ധപ്പെട്ടുണ്ടായ ക്രമക്കേട് സംബന്ധിച്ച ആരോപണങ്ങള്‍ പരിശോധിക്കാനായി വിജിലന്‍സ് അന്വേഷണത്തിന് ശിപാര്‍ശ ചെയ്തതായി മന്ത്രി സജി ചെറിയാന്‍ അറിയിച്ചു. വകുപ്പുതല പ്രാഥമിക അന്വേഷണത്തില്‍ സ്ഥാപനത്തിലെ താല്‍ക്കാലിക ജീവനക്കാരന്‍ സാമ്പത്തിക തിരിമറി നടത്തിയെന്ന് കണ്ടെത്തിയിരുന്നു. ഇക്കാര്യം വിശദമായി പരിശോധിക്കാനും മറ്റു ജീവനക്കാര്‍ക്ക് പങ്കുണ്ടോയെന്നു കണ്ടെത്താനുമാണ് വിജിലന്‍സ് അന്വേഷണത്തിന് ശിപാര്‍ശ നല്‍കിയത്.