പഞ്ചായത്തിനു​മുന്നിൽ പ്രതിഷേധം

അഞ്ചാലുംമൂട്: തൃക്കരുവ പഞ്ചായത്തിലെ ഹരിതകർമ സേനാംഗങ്ങൾ ശേഖരിച്ച മാലിന്യം ക്വട്ടേഷൻ ക്ഷണിക്കാതെ യഥേഷ്ടം പഞ്ചായത്ത് വിറ്റഴിച്ചതായി ആരോപിച്ച് തൃക്കരുവ പഞ്ചായത്ത് ഓഫിസിലേക്ക് ഡി.വൈ.എഫ്.ഐ തൃക്കരുവ മേഖല കമ്മിറ്റി പിക്കറ്റിങ്​ നടത്തി. പ്രതിഷേധ യോഗം സി.പി.എം ലോക്കൽ സെക്രട്ടറി ബൈജു ജോസഫ് ഉദ്ഘാടനം ചെയ്തു. തൃക്കരുവ കുടുംബാരോഗ്യകേന്ദ്രത്തിൽ സൂക്ഷിച്ചിരുന്ന പാഴ്​വസ്തുക്കൾ, പ്ലാസ്റ്റിക്​ വസ്തുക്കൾ എന്നിവ നടപടി ക്രമങ്ങൾ ഒഴിവാക്കി ഉദ്യോഗസ്ഥരുടെ സഹായത്തോടെ ഹരിത കർമസേനയിലെ അംഗങ്ങൾ വിറ്റഴിച്ചെന്നാണ്​ ആരോപണം. ഡി.വൈ.എഫ്.ഐ തൃക്കരുവ മേഖല പ്രസിഡന്‍റ്​ അഖിൽദേവിന്‍റെ നേതൃത്വത്തിൽ ഇതിലെ അഴിമതി ചൂണ്ടിക്കാട്ടി വി.ഇ.ഒക്ക്​ പരാതി സമർപ്പിച്ചിരുന്നു. അഴിമതിക്ക് കൂട്ടുനിന്ന ഉദ്യോഗസ്ഥർക്കെതിരെ നടപടിയുണ്ടാകണമെന്നാവശ്യപ്പെട്ടായിരുന്നു ഡി.വൈ.എഫ്.ഐ പ്രതിഷേധം. നേതാക്കളായ ശരത് ബി. ചന്ദ്രൻ, ലാൽകുമാർ, അഖിൽദേവ്, സി.പി.എം നേതാക്കളായ ചന്ദ്രശേഖരപിള്ള, ഗിരി, സി. ബാബു എന്നിവർ നേതൃത്വം നൽകി. സ്ഥാപക ദിനാചരണം കൊല്ലം: ഓൾ ഇന്ത്യ ഫോർവേഡ് ബ്ലോക്ക് കൊല്ലം മണ്ഡലം കമ്മിറ്റിയുടെ നേതൃത്വത്തിൽ പാർട്ടിയുടെ 83ാമത് സ്ഥാപകദിനം പതാകദിനമായി ആചരിച്ചു. സെക്രട്ടറി എസ്.എസ്. നൗഫൽ, അജിത് കുരീപ്പുഴ, ആറ്റൂർ ഷാജി, കുറ്റിയിൽ ഷംസ്, ജി. ശെൽവരാജ്, ആനേഴത്ത് സെൽവൻ എന്നിവർ സംസാരിച്ചു.