യോഗ ജീവിതരീതിയായി മാറണം -വി. മുരളീധരന്‍

ചിത്രം- കിളികൊല്ലൂര്‍: യോഗ ജീവിതരീതിയായി വളര്‍ത്തിക്കൊണ്ടുവരണമെന്ന് കേന്ദ്രമന്ത്രി വി. മുരളീധരന്‍. കരിക്കോട് ടി.കെ.എം ആര്‍ട്‌സ് ആൻഡ്​ സയന്‍സ് കോളജില്‍ യോഗ ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം. സമാപന സമ്മേളനത്തില്‍ ടി.കെ.എം കോളജ് ട്രസ്റ്റ് പ്രസിഡന്‍റ്​ ഡോ. ഷഹാല്‍ ഹസന്‍ മുസ്‌ലിയാര്‍ അധ്യക്ഷത വഹിച്ചു. പി.സി. വിഷ്ണുനാഥ് എം.എല്‍.എ, യോഗാചാര്യ കെ.പി. മോഹന്‍ ദാസ്, കൊറ്റങ്കര ഗ്രാമപഞ്ചായത്ത് പ്രസിഡന്‍റ്​‌ ആര്‍. ദേവദാസ്, മുഖത്തല ബ്ലോക്ക് പഞ്ചായത്ത് വൈസ് പ്രസിഡന്‍റ്​ എച്ച്. ഹുസൈന്‍, വാര്‍ഡ് മെംബര്‍ ഷീജ സജീവ്, ടി.കെ.എം കോളജ് ട്രഷറര്‍ ജലാലുദ്ദീന്‍ മുസ്​ലിയാര്‍, മെംബര്‍ ജമാലുദ്ദീന്‍ മുസ്‌ലിയാര്‍, പ്രിന്‍സിപ്പല്‍ ഡോ. ചിത്ര ഗോപിനാഥ്, ഫിസിക്കല്‍ എജുക്കേഷന്‍ വിഭാഗം തലവന്‍ ഡോ. അബ്ദുല്‍ റഫീഖ് തുടങ്ങിയവര്‍ പങ്കെടുത്തു.