വിദ്യാലയങ്ങളിൽ വായന പക്ഷാചരണം

കുണ്ടറ: ഇളമ്പള്ളൂർ കെ.ജി.വി.ഗവ.യു.പി.സ്​കൂളിൽ കവി ശശിധരൻ കുണ്ടറ ഉദ്ഘാടനം ചെയ്തു. ഹെഡ്മിസ്​ട്രസ്​ ഗ്രേസി തോമസ്​ അധ്യക്ഷത വഹിച്ചു. കിഴക്കേകല്ലട പി.എം.എൻ.എം.യു.പി.സ്​കൂളിൽ ആർ. തുളസി ഉദ്ഘാടനം ചെയ്തു. പി.ടി.എ പ്രസിഡന്‍റ് ശ്യാംദേവ് അധ്യക്ഷത വഹിച്ചു. പെരുമ്പുഴ ഗവ.എൽ.പി.എസിൽ ഗിരീഷ് മുഖത്തല ഉദ്ഘാടനം ചെയ്തു. കുമ്പളം പബ്ലിക് ലൈബ്രറി വായനപക്ഷാചരണം കോർപറേഷൻ ഡെപ്യൂട്ടി മേയർ കൊല്ലം മധു ഉദ്ഘാടനം ചെയ്തു. ലൈബ്രറി ജോയന്‍റ്​ സെക്രട്ടറി രാജീവ് റോൾഡൻ അധ്യക്ഷത വഹിച്ചു. പുനുക്കന്നൂർ മണ്ഡലം ജങ്​ഷൻ മംഗളോദയം ഗ്രന്ഥശാലയുടെയും ബാലവേദിയുടെയും ആഭിമുഖ്യത്തിൽ നടന്ന വായന പക്ഷാചരണം താലൂക്ക് ലൈബ്രറി കൗൺസിൽ എക്സിക്യൂട്ടിവ് അംഗം എൽ. പത്മകുമാർ ഉദ്ഘാടനം ചെയ്തു. ഗ്രന്ഥശാല പ്രസിഡന്‍റ് ജെ. വിജയകുമാർ അധ്യക്ഷത വഹിച്ചു. മുളവന ജെ.എം.വൈ.എം.എ ലൈബ്രറിയിൽ മുൻ ജില്ല പഞ്ചായത്ത് അംഗം സിന്ധു രാജേന്ദ്രൻ ഉദ്ഘാടനം ചെയ്തു. പ്രസിഡന്‍റ് എം. ഗോപാലകൃഷ്ണൻ അധ്യക്ഷത വഹിച്ചു. പെരുമ്പുഴ ഗ്രാമോദ്ധാരണ സി.എസ്​. വായനശാലയിൽ വാർഡംഗം ജയകുമാരി ഉദ്ഘാടനം ചെയ്തു. ലൈബ്രറി പ്രസിഡന്‍റ് തുളസീദാസൻപിള്ള അധ്യക്ഷത വഹിച്ചു. മുളവന യുവശക്തി ലൈബ്രറിയിൽ യേശുദാസ്​ അധ്യക്ഷത വഹിച്ചു.