'ആത്മീയതയെ വർഗീയതയായി തെറ്റിദ്ധരിപ്പിക്കുന്നു'

കൊല്ലം: ആത്മീയതയെ വർഗീയതയായി തെറ്റിദ്ധരിപ്പിക്കുന്നതായി മുസ്​ലിം ലീഗ്​ സംസ്ഥാന പ്രസിഡന്‍റ്​ പാണക്കാട് സാദിഖലി ശിഹാബ് തങ്ങൾ. മതവിശ്വാസം എന്നാൽ മതേതര മൂല്യങ്ങൾ കൂടി ചേർത്തുപിടിക്കുന്നതാണ്​. എന്നാൽ, സമൂഹത്തിന്‍റെ ചിന്തയെ മാറ്റിമറിക്കാൻ മതത്തിന്‍റെ പേരിൽ കൃത്രിമ ആശയങ്ങൾ കുത്തി​െവക്കാൻ ശ്രമിക്കുന്നവരുണ്ട്​. അധികാരത്തിലേക്കുള്ള വഴിയായി ചിലർ അതിനെ കാണുന്നു. ജനജീവിതത്തെ വിഷലിപ്തമാക്കുന്ന അത്തരം സ്വാർഥത നിറഞ്ഞ പ്രവർത്തനങ്ങൾക്കെതിരെ എല്ലാ വിഭാഗം ആളുകളും ഒറ്റക്കെട്ടായി നിൽക്കണം. അത്തരം പ്രവർത്തനങ്ങളെ ഒരിക്കലും ന്യായീകരിക്കാൻ ശ്രമിക്കരു​തെന്നും അദ്ദേഹം വാർത്തസമ്മേളനത്തിൽ പറഞ്ഞു.