അറബിക്​ അക്കാദമിയിൽ ക്ലാസുകൾ ആരംഭിച്ചു

കരിക്കോട്: കൊല്ലം മുസ്​ലിം അസോസിയേഷൻ അറബിക് അക്കാദമിയിൽ ക്ലാസുകൾ ആരംഭിച്ചു. ഡയറക്ടർ എം.എ. സമദ് ഉദ്ഘാടനം ചെയ്തു. വൈസ് പ്രിൻസിപ്പൽ എ. നാസറുദ്ദീൻ മന്നാനി അധ്യക്ഷത വഹിച്ചു. അമാനുല്ല ഖാൻ ഉദ്​ബോധന പ്രഭാഷണം നടത്തി. മുഹമ്മദ് സ്വാലിഹ് പ്രാർഥന നടത്തി. ഹിമാന, എസ്. ഫാത്തിമ, ത്വയ്യിബ്, ഹാഫിസ് എന്നിവർ സംസാരിച്ചു. അഫ്ദലുൽ ഉലമ പ്രിലിമിനറി, ബി.എ അറബിക്​ പുതിയ ബാച്ചുകൾ ജൂലൈ നാലിന് ആരംഭിക്കുമെന്ന് ഡയറക്ടർ എം.എ. സമദ് അറിയിച്ചു. അഡ്മിഷന്​ ഓഫിസുമായി ബന്ധപ്പെടുക. ഫോൺ: 9961022313, 9947272413, 0474 2719488. 'ഞങ്ങളും കൃഷിയിലേക്ക്'പദ്ധതി പേരയം: 'ഞങ്ങളും കൃഷിയിലേക്ക്'പദ്ധതിയുടെ ഭാഗമായി പേരയം പഞ്ചായത്തിൽ വിത്ത് വിതയ്ക്കൽ പ്രസിഡന്‍റ് അനീഷ് പടപ്പക്കര ഉദ്ഘാടനം ചെയ്തു. ലോഗോ പ്രകാശനം ജില്ല പഞ്ചായത്ത് അംഗം സി. ബാൾഡ്വിൻ പേരയം സർവിസ്​ സഹകരണ ബാങ്ക് പ്രസിഡന്‍റ് ആർ. അജിത്കുമാറിന് നൽകി നിർവഹിച്ചു. സമ്മിശ്ര കർഷകൻ ടി. മേരിദാസൻ, ബ്ലോക്ക് പഞ്ചായത്തംഗം അരുൺ അലക്സ്​, കൃഷി ഓഫിസർ സോണൽ സലിം, സ്ഥിരം സമിതി അധ്യക്ഷരായ ബി. സുരേഷ്, വൈ. ചെറുപുഷ്പം, പഞ്ചായത്തംഗങ്ങളായ റെയ്ച്ചൽ ജോൺസൺ, എൻ. ഷേർളി, ബി. സ്റ്റാഫോർഡ്, ആലീസ്​ ഷാജി, വിനോദ് പാപ്പച്ചൻ, കുഞ്ഞുകൃഷ്ണപിള്ള, ബാബു എന്നിവർ സംസാരിച്ചു.