നേത്ര പരിശോധനയും ശസ്ത്രക്രിയ ക്യാമ്പും

പുനലൂർ: ലയൺസ് ക്ലബ്​, ജില്ല അന്ധത നിവാരണ സൊസൈറ്റി, പുനലൂർ ഗവ.എച്ച്.എസ്.എസ് എന്‍.എസ്.എസ് യൂനിറ്റ് എന്നിവ ചേർന്ന് സൗജന്യ നേത്ര പരിശോധനയും തിമിര ശസ്ത്രക്രിയ ക്യാമ്പും നടത്തും. ഞായറാഴ്ച രാവിലെ എട്ടിന് പുനലൂർ ഗവ.എച്ച്.എസ്.എസിൽ തിരുനെൽവേലി അരവിന്ദ് കണ്ണാശുപത്രിയിലെ വിദഗ്​ധ ഡോക്ടർമാരുടെ സംഘം ക്യാമ്പിന് നേതൃത്വം നൽകും. ഫോൺ: 9447280299, 7907953174. പച്ചക്കറിയുമായി വന്ന പിക് അപ് മറിഞ്ഞു പുനലൂർ: തമിഴ്നാട്ടിൽനിന്ന് കേരളത്തിലേക്ക് പച്ചക്കറി കയറ്റിവന്ന പിക് അപ് തലകീഴായി മറിഞ്ഞു. ദേശീയപാതയിൽ ആര്യങ്കാവ് ക്ഷേത്രത്തിന് സമീപം വെള്ളിയാഴ്ച രാവിലെ ഏഴോടെയായിരുന്നു അപകടം. ആലംകുളത്തുനിന്ന് തെന്മലയിലേക്ക് വന്നതാണ് വാഹനം. പാതയിലെ വളവ് തിരിയുമ്പോൾ നിയന്ത്രണം വിട്ട് വശത്തേക്ക് മറിയുകയായിരുന്നു. വാഹനത്തിലുണ്ടായിരുന്നവർ പരിക്കേൽക്കാതെ രക്ഷപ്പെട്ടു.