കവിതാസമാഹാരം പ്രകാശനം

കുണ്ടറ: മൺറോതുരുത്ത് ശ്രീനിലയം രതീശന്‍റെ 'കുഞ്ഞരുവിയും ചെറുതെന്നലും' ബാലകവിതാ സമാഹാരം ജില്ല പഞ്ചായത്ത് സ്ഥിരം സമിതി അധ്യക്ഷൻ പി.കെ. ഗോപൻ പ്രകാശനം ചെയ്തു. മൺറോതുരുത്ത് പഞ്ചായത്ത് പ്രസിഡന്‍റ് മിനി സൂര്യകുമാർ അധ്യക്ഷത വഹിച്ചു. കാഥികൻ കല്ലട വി.വി. ജോസ്​ പുസ്​തകം പരിചയപ്പെടുത്തി. കവി മുളവന രാധാകൃഷ്ണൻ, കുരീപ്പുഴ എ.എൽ. ഡൊമിനിക്, ഉല്ലാസ്​ പുത്തൻപുരയിൽ, സുശീല ജയകുമാർ, എസ്​. അനിൽകുമാർ, മോഹൻകുമാർ, ഷാജി മൺറോ, അജയകുമാർ, ശ്രീലാൽ എന്നിവർ സംസാരിച്ചു. പാമ്പുകളെ അറിയാൻ പരിപാടി കുണ്ടറ: ചെറുമൂട് ഗ്രന്ഥകൈരളി ലൈബ്രറിയും റീച്ച് ഔട്ട് ഫൗണ്ടേഷനും ചേർന്ന് ശാസ്​ത്രീയരീതിൽ പാമ്പ് പിടിത്ത പരിശീലനവും ബോധവത്കരണ ക്ലാസും നടത്തി. താലൂക്ക് ലൈബ്രറി കൗൺസിൽ പ്രസിഡന്‍റ് കെ.ബി. മുരളികൃഷ്ണൻ ഉദ്ഘാടനം ചെയ്തു. വൈസ്​ പ്രസിഡന്‍റ് ആർ. രാധാകൃഷ്ണപിള്ള അധ്യക്ഷത വഹിച്ചു. അസി. ഫോറസ്റ്റ് കൺസർവേറ്റർ വൈ. മുഹമ്മദ് അൻവർ ക്ലാസെടുത്തു. സെക്രട്ടറി ശിവൻവേളിക്കാട്, റീച്ച് ഔട്ട് ഫൗണ്ടേഷൻ ചെയർമാൻ കെ.എസ്​. അജേഷ്, ബി. മോഹനചന്ദ്രൻപിള്ള, ടി. യേശുദാസൻ, പ്രസന്നപിള്ള, ഉണ്ണികൃഷ്ണപിള്ള, എസ്​. നിസാം എന്നിവർ സംസാരിച്ചു.